影片
2011-10-31
91 瀏覽
其實Mist一開張已經聽聞過佢地o既拉麵要成百幾蚊一碗，心覺實在太貴，故此一值未肯去幫襯。見拉麵風繼續吹得咁行，表弟又搵緊人陪佢去試食，所以就決定比個機會佢！Mist晚市開六點，最怕排隊等位o既ＸＯ一早訂好左張六點鐘枱。收工出發，早到左十分鐘，諗住佢未開門啦，點知餐廳入面有人，所以就走左入去。有位中年西裝男話要六點正先開門，叫我喺出面等，心諗都好合情合理；出到去發現原來真係有個幾隱蔽o既「準備中」牌。一邊玩手機一邊等，好快就過左二十分鐘，見冇人叫我，又過左開舖時間成十分鐘，所以又再探個頭入去啦... 哈，點知佢話六點正已經開左門！嗰刻感想係：你叫我喺出面等，開左門又唔通知聲，要我喺條室外氣溫超過三十度o既街上食多十分鐘塵，係咪有點兒那個呢？！乜依Ｄ就係 "FINE DINING" 應有o既服務態度呀？！為免影響食慾，當時只好急忙提升ＥＱ，盡快冷靜落黎，希望食飯時有所改善啦！正門o既落地玻璃同趟門加鐡框，順眼簡單時尚。不過趟門式設計有個問題，就係會走冷氣；如果熱天多人出出入入，餐廳又滿座，趟門旁嗰張枱o既客人會好遭殃。另外一個問題係餐廳內某個冷氣位狂滴水，哥哥仔要成晚用枝長竹喺度抹，唔知
Mist晚市開六點，最怕排隊等位o既ＸＯ一早訂好左張六點鐘枱。收工出發，早到左十分鐘，諗住佢未開門啦，點知餐廳入面有人，所以就走左入去。有位中年西裝男話要六點正先開門，叫我喺出面等，心諗都好合情合理；出到去發現原來真係有個幾隱蔽o既「準備中」牌。
一邊玩手機一邊等，好快就過左二十分鐘，見冇人叫我，又過左開舖時間成十分鐘，所以又再探個頭入去啦... 哈，點知佢話六點正已經開左門！嗰刻感想係：你叫我喺出面等，開左門又唔通知聲，要我喺條室外氣溫超過三十度o既街上食多十分鐘塵，係咪有點兒那個呢？！乜依Ｄ就係 "FINE DINING" 應有o既服務態度呀？！為免影響食慾，當時只好急忙提升ＥＱ，盡快冷靜落黎，希望食飯時有所改善啦！正門o既落地玻璃同趟門加鐡框，順眼簡單時尚。不過趟門式設計有個問題，就係會走冷氣；如果熱天多人出出入入，餐廳又滿座，趟門旁嗰張枱o既客人會好遭殃。另外一個問題係餐廳內某個冷氣位狂滴水，哥哥仔要成晚用枝長竹喺度抹，唔知同個趟門有冇關係呢？理由係乜都好啦，餐廳啱啱開門就已經有依個問題，入面o既開放式廚房就算打理得幾整整有條，感覺衛生都唔會達標。講返正面Ｄ o既野先，店內o既皮櫈大大張，好睇好坐好舒服。木枱個拉櫃內藏有整齊o既餐具，食材來源及餐廳歷史等資料，慳位得黎幾有意思。
如下圖所示，個匙羮底部有個架位，方便客人張佢平穩地放喺枱上面，好得意，可惜問題有三：1) 張枱冇枱布，匙羮放喺枱面係咪真係咁衛生呢？
2) 如果客人每飲完一口湯都放返匙羮喺枱面，成張枱咪會濕哂囉？
3) 如果餐廳冇預計客人會放匙羮喺枱，為何要喺羮底加個架位呢？莫非只係為左放喺個拉櫃入面？！
當日見天口咁㷫，又唔知表弟會遲幾多，所以就先叫左樽食評們極力推介o既自家製啤酒飲，解下喝。Chabuya Mist White Ale （$55）：啤酒連杯都夠哂涷，非常之涼快！味道好清新，light得好似飲緊汽水咁，可以話係另類飲法，應該好受女士們歡迎。
蕃茄 + Crouton Hors D'œuvre (免費)：匙羮同碟o既外型比食物本身更有睇頭！蕃茄味道正常，腍左o既crouton就唔係好得啦。
Avocado & Fish Tartare 魚生牛油果「他他」（$90）：賣相唔多吸引，貌似飯堂「筆」出黎嗰Ｄ生果沙律咁。一入口就覺得個醬太杰，加埋牛油果整體變得好溜，而且槳住個口，錯配到極！不過最大o既問題係個醬同牛油果搶哂個味，完全食唔出主菜之一魚生o既任何味道；唔講真係唔知入面有魚呀！依個所謂之 Fine Dining o既菜式似乎好失禮bor！
Shio Ramen with Boiled Egg 鹽味拉麵 + 半熟蛋（$110 + $20 ）：湯面o既一層油唔係太吸引，心理上好似食得唔係好健康。講真，個湯底同我喺日本超市買嗰Ｄ鹽味公仔麵味道差唔多；不過公平Ｄ講句，總算好襯托名中o既「鹽味」！五花叉燒片雖則夠腍，不過切得都係厚左ＤＤ，所以重係覺得嚡，寧願佢比多兩塊切薄少少o既；依方面又要讚一讚「豚王」做得比較優勝。拉麵唔夠彈牙，又唔可以令人張麵條一口啜上黎做出「雪雪」聲既效果，ＸＯ繼續搖頭。隻半熟蛋雖然滑溜，但係好明顯係後加o既，因為蛋白蛋黃都唔夠熱。唉，要成百幾蚊碗，不特只唔低，個麵簡直好失敗bor！
表弟叫左個Dinner Set，$ 428， 限量供應：Amuse Bouche之Hokkaido Scallop Tartare Topped with Caviar + One Spoon Rahmen with Sea Urchin Sauce
Crab Meat Salad with Potato Cream Sauce
Smoked Chicken Thigh with Black Pepper Onion Dressing：表弟話煙味唔濃，好食。
Your choice of Rahmen：份量少過我散叫嗰碗。Chef Selected Dessert
我地走o既時候大概七點半，當時除左我同表弟，餐廳只係有另外兩位客人，似乎冇謠傳所講咁旺場囉！總結：自稱為Fine Dining o既MIST，似乎除左價錢夠貴之外，其他服務，衛生，食物o既賣相，味道，質素都唔係好夠級數，真係諗唔明佢點可以叫自己做Fine Dining！舖面o既工作人員一Ｄ都唔細心體貼，廚功亦不見得幼細精湛，所以就算有人請，小弟都會叫佢唔好咁破費，因為我係唔會再黎第二次！
張貼
