船長意法日餐廳 (已結業)

今日同男朋友拍拖拖，見天口涼涼地唸住打邊爐，而咁岩係元朗，就搵到間叫船長的餐廳專門有得任食打邊爐，價錢亦非常適宜，當然要來試下啦。呢間餐廳的門面有閃亮的招牌，而裡面的裝修也是十分精緻，這裡的位置比較寬敞，讓人坐在裡面的都有種去了高級餐廳的感覺一樣。晚上是火鍋放題時間，有得打邊爐同時也可以爐端燒（俗稱燒烤）。而不同的餐有相應不同的價錢，如果只是選豚肉及雞肉就$188，有埋美國肥牛就$198，要埋牛頸脊肉就$258，最後有埋牛小排就$298。湯底我選擇了花膠雞煲，正常湯底要加$38，因為我們選擇了$258牛頸脊肉餐，所以送埋花膠雞煲。首先講下個花膠雞煲，這個湯比較清甜，而且個雞十分滑身，超正，好欣賞個雞可以夠滑。而第二就係d牛，看得出十分新鮮的牛肉，肉質夠嫩滑，無論打邊爐或燒烤都好好味。原來呢個餐仲額外送了一些串燒及海鮮給我們，有蝦有蠔有鮑魚，食到我們勁滋味。除了以上的肉類，還有很多蔬菜類，丸類，飲料無限供應，還有甜品和糖水，而且還有哈根達斯雪糕任食，真係超正啊，食多幾個雪糕都抵返曬。飲飽食醉，店鋪的員工都好殷勤服務我們，服務態度周到，真的是一家不錯的火鍋店。