影片
更多
2021-07-09
1720 瀏覽
疫情令蕃薯uncle患上輕度抑鬱，見多日零確診即吹雞約班晚輩聚一聚，唯一條件係要揀間潮啲嘅地方，契妹就搵咗間潮吃潮州菜嘅酒吧餐廳「Shining」，這個潮上加潮可謂「雙潮」！網上訂座流程非常簡易，更可以優惠價預購公眾假期都用得嘅餐飲券。由於每次用餐只可用一張餐飲券，七人派對最終揀咗個附送冰鎮鮑魚嘅「精品潮式四人套餐」（原價$1,650；網上預購價$1,320）。屬C類食肆嘅餐店面積寛廣，圍牆及窗邊嘅高櫈散座均為六人一組。眼見開幕時所用上嘅氣球及裝飾仍未清走，似乎新店真係好新喎。場內中央位置可見兩張啤酒乒乓枱，客路明顯以酒客為主。唔怪得知連後方嘅水吧都多酒及大型過人。波枱旁有個迷你舞台，相信將不時安排現場表演。外出仲有個為煙民而設嘅露台仔。入座後，其實哥哥仔係有提供電子酒牌作參考，並提到最受歡迎係招牌嘅特色雞尾酒，歡樂時光所有飲品可享八折優惠，但因項目及價格仍在調整中，小肥決定唔上載多頁唔準確嘅資訊，免得誤導大家。礙於午餐起已經開始飲緊日本清酒，以電話詢問過得知開瓶費為$200/樽，價格合理，大家一於自攜佳釀，繼續飲清酒！於酒吧環境下以烈酒小杯飲sake，感覺特別有氣氛同有氣勢！四頁食物
網上訂座流程非常簡易，更可以優惠價預購公眾假期都用得嘅餐飲券。由於每次用餐只可用一張餐飲券，七人派對最終揀咗個附送冰鎮鮑魚嘅「精品潮式四人套餐」（原價$1,650；網上預購價$1,320）。
屬C類食肆嘅餐店面積寛廣，圍牆及窗邊嘅高櫈散座均為六人一組。
眼見開幕時所用上嘅氣球及裝飾仍未清走，似乎新店真係好新喎。
場內中央位置可見兩張啤酒乒乓枱，客路明顯以酒客為主。
唔怪得知連後方嘅水吧都多酒及大型過人。
波枱旁有個迷你舞台，相信將不時安排現場表演。
外出仲有個為煙民而設嘅露台仔。
入座後，其實哥哥仔係有提供電子酒牌作參考，並提到最受歡迎係招牌嘅特色雞尾酒，歡樂時光所有飲品可享八折優惠，但因項目及價格仍在調整中，小肥決定唔上載多頁唔準確嘅資訊，免得誤導大家。
礙於午餐起已經開始飲緊日本清酒，以電話詢問過得知開瓶費為$200/樽，價格合理，大家一於自攜佳釀，繼續飲清酒！
自攜佳釀
9 瀏覽
2 讚好
0 留言
四頁食物餐牌大部份為中英對照，亦附有彩色插圖，簡單易明。第一頁印有每天不同嘅午市套餐及全天供應嘅小食。
第二頁列出一、二及四人套餐嘅選擇。
其餘兩頁則為潮式拼盤及散點項目。應經理或老闆哥哥（未有確認其身份）建議，七人除咗預購嘅四人套餐之外，另加咗個小餸、小食拼盤及炒米粉。
木造餐桌上每位席上都擺有自用嘅餐具。
脆炸拼盤Set A配黑松露醬（$168）：小食拼盤原本包有唐揚軟骨、香酥雞翼、香芒酥、黑松露薯條，不過因當日雞翼早已售罄，所以就換咗四隻天婦羅蝦。如相所示，籃中嘅四款炸物均色澤金黃，入口亦不覺油膩，天婦羅蝦尚算爽脆彈牙，個人只係略嫌唐揚軟骨過腍且唔得卜卜脆，黑松露薯條唔係好夠松露香。
脆炸拼盤Set A配黑松露醬
$168
27 瀏覽
2 讚好
0 留言
潮汕咖哩牛丸
$52
12 瀏覽
2 讚好
0 留言
精品潮式四人套餐
$1320
11 瀏覽
2 讚好
0 留言
古法雞腳香辣惹味，可惜唔夠腍，就差嗰一點點。
古法雞腳
8 瀏覽
2 讚好
0 留言
潮式鵝肝每片厚潤有光澤，潮派元素嘅微微酒香好醒神，鵝肝咬落一啲都唔嚡唔乾，做得已經比坊間好多潮州菜館好，絕對食得過，只係自己曾經食過更軟滑嘅版本，難免會作出比較而已。
威士忌酒香鵝肝
15 瀏覽
2 讚好
0 留言
酸菜蘿蔔
4 瀏覽
2 讚好
0 留言
招牌白滷水海鮮拼盤
18 瀏覽
2 讚好
0 留言
冰鎮鮑魚
17 瀏覽
2 讚好
0 留言
經典滷水三拼
10 瀏覽
2 讚好
0 留言
滷水乳鴿除咗皮層唔夠軟潤之外，肉質都算鬆同夠肉汁嘅。
滷水乳鴿
4 瀏覽
2 讚好
0 留言
上湯西生菜
1 瀏覽
2 讚好
0 留言
潮式炒飯
11 瀏覽
2 讚好
0 留言
潮式炒米粉（$88）
$88
6 瀏覽
2 讚好
0 留言
張貼
