CHEF STAGE de Eddy Chu (已結業)

最近都比較忙，同朋友見面時間都少左，相約在尖沙咀，搵個清靜環境，我提意去廚社。同上一次比較，餐牌多左幾道新菜式，當中一款更是主廚過往參賽的得獎菜式。日本帶子配蜜糖麵豉汁呢碟係獲獎作品，當然要試。你可能會話帶子新鮮就已經好好食，仲有咩咁別﹖其實重點係旁邊嘅蜜糖麵豉汁，醬汁係大廚特別炮製，放棄傳統嘅芥末，改為蜜糖麵鼓汁，完全冇諗過蜜糖同麵豉汁咁夾，令本身肥美鮮甜嘅帶子更美味。海鮮黑毛猪肉骨茶呢個肉骨茶唔係平時飲到好重藥材味個種，反而充滿左海鮮嘅鮮味，有鮑魚，黑毛豬，石斑魚同埋已經去殼嘅蝦，材料豐富，又細心，鮮甜不油膩，完全改變左對肉骨茶嘅感覺。甜熱帶雜果紅酒紅酒果味較重，好易入口，配上水果串造型有別於傳統的Sangria，女士們一定鐘意。焦糖芝士餅濃郁嘅焦糖味混合香軟幼滑嘅芝士，密度幾高，芝士在口中溶化的感覺，的確令人回味。由飲品，到前菜，湯，全部都一改傳統，可見大廚嘅創意，令人印象難忘，更加期待佢之後嘅新菜色。