熺會館

營業中

休息中

今日帶個鬼佬friend去打邊爐，帶佢行樓梯上去，仲以為我賣佢豬仔😆 我本人打火邊爐最重視個環境，上到去抽風系統一流，唔會積住成陣味！鴛鴦湯底岩曬我哋兩個人食唔同口味🤩川式麻辣鍋配蕃茄薯仔牛腩鍋，公平啦！黑白栢葉雙拼口感爽脆，真係打邊爐不可缺少！潮汕牛丸完全無雪藏味，食落好安🧡再加碟極肥脆肉鯇魚腩，肉質結實、清爽、入口脆口🐷椒鹽一口豆腐頂呱呱呱呱呱😛佢炸完之後還能保持口感及形狀，香口惹味，邪惡推薦😈😈我同鬼佬friend都食得好開心，侍應都好有心機同我哋逐樣解釋同介紹！😋呢間火鍋店真係一試難忘，而且價錢公道！誠意😎推薦