影片
更多
2018-07-26
293 瀏覽
港島區名店達摩無緣一試，竟然深入新界開分店，機會黎喇﹗又會那麼多食客等位既？直頭要攞籌添喎，比以往旺左好幾倍。原來轉晒 menu 仲加左非常多新菜色、新小食、新湯底添，多摩墨魚汁拉麵、川崎喇沙拉麵、松川雞骨醬油拉麵、等等。而且加 $20 蚊可以無限追加配料？不過我夠飽喇。問問一位要等幾耐先，食自己有樣好，即刻有位唔洗等，請坐吧檯。為何點餐紙上印著達磨拉麵既？唔係達摩咩，錯體？火炙豚肩叉燒，真的跟西班牙黑毛豬上肩不分上下，高質豚肩肉，肥美不肥膩，極彈極香極濃豬甜味道，肉汁處處不乾不鞋不羶不膩，食到舔舔脷。炙燒豚腩叉燒，鹿兒島豚肉五花腩一模一樣的肥叉。雖不乾不鞋而帶滑，不幸油膩感太強，如果肩肉就清爽多了，彈牙有肉汁。沖繩墨汁餃子，又會煮那麼耐呢？拉麵一早給我消滅掉咯，還要再呆坐 5 分鐘。珊珊來遲的餃子終於到步，餃皮不香脆，落水太多喇，彷如白紙濕淋淋，既黏且黐牙，不喜歡。食不到肉既？只有菜的感覺，沒有墨汁鮮甜味道。而且蔥醬油太咸太濁，試一次便夠。沖繩豚肉餃子，比墨魚汁餃子香脆，兩面焦香微脆。不過油得可怕，油浸一樣！油地獄油淋淋漿住我的嘴仔，唯有用醋洗掉油感。餃皮厚到 pizza 餅底一樣，
問問一位要等幾耐先，食自己有樣好，即刻有位唔洗等，請坐吧檯。為何點餐紙上印著達磨拉麵既？唔係達摩咩，錯體？
火炙豚肩叉燒，真的跟西班牙黑毛豬上肩不分上下，高質豚肩肉，肥美不肥膩，極彈極香極濃豬甜味道，肉汁處處不乾不鞋不羶不膩，食到舔舔脷。
炙燒豚腩叉燒，鹿兒島豚肉五花腩一模一樣的肥叉。雖不乾不鞋而帶滑，不幸油膩感太強，如果肩肉就清爽多了，彈牙有肉汁。
沖繩墨汁餃子，又會煮那麼耐呢？拉麵一早給我消滅掉咯，還要再呆坐 5 分鐘。珊珊來遲的餃子終於到步，餃皮不香脆，落水太多喇，彷如白紙濕淋淋，既黏且黐牙，不喜歡。食不到肉既？只有菜的感覺，沒有墨汁鮮甜味道。而且蔥醬油太咸太濁，試一次便夠。
沖繩豚肉餃子，比墨魚汁餃子香脆，兩面焦香微脆。不過油得可怕，油浸一樣！油地獄油淋淋漿住我的嘴仔，唯有用醋洗掉油感。餃皮厚到 pizza 餅底一樣，不喜歡！比鍋貼皮還要厚雖然兩面脆，但另兩又濕又腍又油囉。豚肉香甜味非常微弱，雖然有肉汁有水份但只是無味的汁。
吉列豬排，什麼豬排？香港係叫做豬扒！神推鬼擁不知道為何會落吉列豬扒，可能全神貫注想食肉掛。可否醃一醃塊豬扒呢？原味原味非常淡口，泛著原始天然無添加微弱豬肉甜味啊，結實彈彈。厚厚人造殼非常香脆，麵包糠味濃厚，我就是不愛吉列皮！細心去掉外殼再滾上咖哩湯淨食肉，味道蠻吸引，舒服多了。
芝士香草汁燒蠔，製作需時要壓軸最後出場！燙燙熱辣辣！殼就夠晒大喇，挑起望望發現蠔仔奀滋滋，瘦猛猛的蠔豉，照樣成粒啪啦！蠔味濃濃，感覺薄衣衣乾乾地。反而個芝士香草汁好味喎，黏滑味濃半溶芝士泛著誘惑咸香，還有陣陣清爽香草味，想要個稻庭手打烏冬撈撈去呢！
芝麻雞翼，油光四射立立令，雞皮跟芝麻索索聲，非常香脆喎！油膩感突出，炸到外層縮水乾爭爭，幸好內裡肉還嫩，味道單調，醃味平凡一般。
鹽燒雞皮，第一次食油淋淋又咸到死既燒雞皮，味道單調極致。師傅燒功利害，可以燒到鴛鴦不同質地。單邊燒烤那麼有趣？上面乾透薄脆、下面焗熟無燒過，滴晒油的濕濕雞皮，創意？
鹽燒鯖魚，洒上鮮檸汁帶出點點清新味道及香氣，簡單掃上甜醬油烤一烤上碟。天生魚味特濃，無細骨容易食，皮脆肉實微量肉汁，夠香口蠻不錯，食得一乾二淨。
七味雞軟骨，大量厚厚炸粉飽肚膩滯，格硬全部吞落肚。香脆炸粉包著黏黏油脂及卜卜脆軟骨，味道單調只有七味粉雞油，給我鮮檸或喼汁或果醋就更好。
清酒煮蜆，選用活蜆有誠意，普不是即食貨，讚讚。有點沙，有點過熟，烚到一開口就要即刻上碟出貨喇！湯汁有清酒甜有清爽蜆味但無清酒香，蜆肉半彈半韌。質素已勝多間食肆，滿意的。其實我都唔肚餓，食少少啦。一麵兩點，同一盅兩件咪一樣。
蒜蓉和牛粒，太和牛？未食過和牛咁瘦喎，完全無油潤感，結實有咬口又好多筋，炒得香噴噴全熟，可以生一點會嫩滑多一點。蒜蓉加醬油惹味香甜可口，芽菜爽甜無草青味，夾蒜同吃夾芽菜同吃，一樣美味無窮，使得我全數清晒。味道真心調得恰到好處好滿意，有牛味有肉汁係硬左少少。
無辣不歡的我，食拉麵梗係由辣食起啦，仲要食大辣！後生仔侍應再三叮囑堅辣架喎，不如食中辣好嗎？我想食大辣喎。明白，如果太辣可以送碗清湯您溝返淡架。後生仔真熱心又細心，還替我將背囊用竹籃裝好放係椅下面呢。
姫達摩辛辣拉麵激辛，當然食辣就要食最辣，走芽菜走蔥。冰涼玉子，味附蛋白醬油清香不濁，蛋黃甘甜味濃，黏黏漿漿最過癮。湯底滾滾送上，溫度剛好燙嘴燙舌最好食，使到食材發揮到極限，淋漓盡致！西班牙黑毛豬上肩，吃不出分別來，何謂西班牙黑毛豬上肩？跟火炙豚肩叉燒彷似同出一轍。落薄彈彈有嚼勁，脂肪位爽爽的，半肥瘦而油脂甘甜香口無比，豬味濃烈肉味非凡。
原來依舊圓碌碌肉鬆就係火藥玉，我仲諗會唔會係辣雞蛋添。將火藥玉辣肉醬搗碎跟拉麵合體，完全融合撈勻慢慢品嚐。嚥韌的肉鬆，微辛帶甜的味道，溶入湯汁及麵條中增添不少樂趣。我只愛硬拉麵，硬麵大愛！非常有嚼勁，帶湯力特強。
激辣湯汁特別黏稠，辣味沉實使我微微冒汗，夠刺激興奮！譚仔大麻辣第四級比達摩激辛更辣，所以我處理得綽綽有餘。讓麵捲著豚肩肉、讓麵捲著紫菜、讓麵捲著昆布木耳，掛上辣肉碎黏黏濃湯盡情吸啜，各種配搭層出不窮，多種享受，撞出不同美味驚喜，非常滿足！
鈴川達摩特上豚骨拉麵，普通湯硬麵走蔥走芽菜。侍應姐姐話本身無芽菜，講定無壞啦。粟米粒甜美多汁，連湯灌到嘴仔，卜卜脆爆開，甜汁滿溢。
嫩筍鮮爽，脆脆索索聲。昆布，海藻薄薄翠綠，索湯濕濕嘴嚼，清淡味道。木耳，脆脆的夾在拉麵間增加口感，食得更過癮。本菇，我的最愛！爽甜滑彈，菇味清甜無霉味。紫菜梗係浸湯搭載拉麵一齊食啦，咸香半脆半濕紫菜捲拉麵，別有一番風味。鹿兒島豚肉五花腩，五花腩真係堅肥，要睇師傅炆功如何喇。
肥膏炆成啫喱狀，油膩感覺強烈，滑嘟嘟跌入口跟鬆化瘦肉融合，豬味甜甜濃濃，油脂甘甜突出，肉汁輕滲，蠻可口不過好滯咯。西班牙黑毛豬上肩，食過翻尋味，執多劑先！鮮彈爽甜味濃可口，無可挑剔。
白雪雪豬骨湯濃郁厚厚，微滑帶黏，清香散發點點奶味，不可不飲多兩啖。追加蒜蓉添多一點味道，辛香且甜，十分醒腦開胃。硬麵，拉麵質地最緊要夠硬，熟而硬，不是生。大愛強勁嚼勁十分有咬口，結實麵條帶湯力比軟麵強，更多汁更濃味！
北海道 3.6 牛乳黑松露松葉蟹肉拉麵，濃湯硬麵走蔥。湯底比鈴川達摩特上豚骨拉麵更濃牛奶味道，質地更幼滑更濃稠。黏黏牛奶豬骨湯，強而有力牛奶香甜味道，堅似飲緊奶，但有豬骨味餘韻。西班牙黑毛豬上肩，失手的乾鞋並重，是但吞掉。
黑松露醬，完全無松露味道，貌似墨魚子喎。松葉蟹肉，雖然照片沒有蟹腳，但都抱有希望會否出現呢。最終登場的都只是肉碎，完全無味道，無蟹味、無鮮味、無甜味，鞋烚烚乾爭爭木屑，雪藏味道突出，浸滿湯食會好一點。
松川達摩拉麵，走蔥濃湯硬麵，何解醬油湯都是白色呢？用豬骨湯做膽後加醬油？顏色似麵豉湯喎。呷啖湯試試，味道散化濃濃豬骨湯帶少少醬油味，完全不是醬油湯那回事！東京醬油？失望不合格。麵不夠硬亦不彈，免強可以接受。肥美豚肉五花腩平凡一般，總好過瘦猛猛鞋叉燒薄切既。
高崎達摩豚骨拉麵，等我嘆個普通最基本豚骨湯先。豚骨湯竟然突飛猛進好味道超然美味？慢功出細貨，精雕細琢。豬骨濃湯頭兩三啖真心非常可口美味，飲極唔夠喉！到四五啖已經飽滯，飲多壞肚皮，少飲多滋味。
湯要趁熱，夠熱味道非常，越凍就越差，大打折扣喇。硬麵，拉麵質地最緊要夠硬，熟而硬，不是生。大愛強勁嚼勁十分有咬口，結實麵條帶湯力比軟麵強，更多汁更濃味！掛著濃湯捲著肉好、紫菜鮮筍好、本菇昆布好，滿意食得開心，津津有味。
越谷咖哩拉麵，幼麵豚肩叉燒加筍加蒜走蔥，追加 1 個雞蛋及火藥玉。依家無得揀麵質既？我要食超硬麵架喎。拉麵還未到，但追加既蛋及玉先到，我呆一呆，為之驚訝﹗收銀姐姐即見到便問侍應哥哥點可能這樣出架？一係拉麵先出，一係等埋拉麵一齊出架麻，留意啊。我都非常同意姐姐既見解，謝謝。還有我係寫加 1 隻蛋，何解得半個呢？
完全係即食日式咖哩包的味道，跟我係一田買既一模一樣。微辛微辣咖哩湯混入辣肉鬆，再讓結實幼麵帶進嘴仔，連同彈滑多汁的肩肉齊齊趙，每啖都快樂歡欣。咖哩汁湯厚身黏稠不水，辣味開胃醒神，心滿意足。
多摩達摩墨魚汁拉麵，曲粗麵豚角煮走蔥加筍加蒜。每次見到大大塊叉燒都使我諗起一蘭腳皮咁薄、腳皮咁細塊既乾鞋叉燒碎片。豚角煮厚切肥腩肉，一層瘦肉一層啫喱肥厚層層緊扣，靚靚年輪一樣。嫩滑啫喱油潤入口溶化，跟鬆軟瘦肉融合打得火熱，釋出無比濃郁醬油味道，頭幾口真的不錯，食多會膩，一塊夠晒喉，高質好味。
先黎淨飲幾啖墨魚汁湯底，質地水汪汪薄薄的，不厚不黏不漿不油，跟我經常食既鮮墨魚汁墨魚丸一樣充滿鮮甜味道喎！海鮮咸香突出濃厚，不過奇怪地越食越咸，趁熱食比較好味，所以大家要加速步伐喇！曲麵爽滑備置少少腍，雖然我只愛硬麵，幸好質地還滿意。曲曲的形狀可提升帶湯力，熱熱黝黑湯汁掛在麵條之間大力啜，一氣呵成全數吸到朱唇內，塞得脹卜卜，甜美醇厚大滿足！
炙燒芝士龍蝦拉麵，幼麵豚肩叉燒薄切半熟蛋蒜蓉鮮筍走蔥，無芽菜無椰菜真好，如果麵有硬度揀就更好！我要食超硬麵架，炙燒芝士龍蝦拉麵，居然係龍蝦湯黎喎，幾有趣！預左要等較長時間，早有心理準備無緊要。終於隆重登場，惹來周遭艷羨目光，搞到人家勁尷尬。結實帶滑的肩肉比肥腩清爽，濃濃龍蝦湯充滿龍蝦鮮味。大注夾起拉麵掛上濃湯捲著紫菜豚肩肉齊齊嘆，更豐富更冶味。麵質對我而言有點腍，還算滿意可口。
有龍蝦半隻，蝦肉都有匙羹那麼大，收 $128 蚊價錢合理，又肉又蛋又紫菜直頭超值咯。蝦肉鮮甜嚥韌欠爽彈滑溜感，輕微 overcook，可以將烹調時間縮短一點。蝦膏也不少，挖出來撈麵一齊食非常甘香，別有番風味。清新味道龍蝦湯飲晒都無問題，幾乎清晒一滴不漏，幸福啊！
櫻花水信玄餅，貌似啫喱，晶瑩剔透，十足掌上明珠。擺位細心精緻耀目，有設計有誠意。切開手感似大菜糕，撈上黑糖黃糖慢慢細味。十足十涼粉味道及質感，味道清爽冰涼不太甜。櫻花酸酸的，應該係酸梅來的。不愛甜的我都覺蠻不錯，不太嗆不太膩，飽餐一頓後來個靜態結尾，感覺舒服。
何解食到尾聲都唔比杯水我呢？要開聲先比，想渴死我咩！收錢姐姐聽到我話龍蝦拉麵好好食，表示話好滾動，連聲道謝，唔洗咁客氣啦，我都係以事論事。
火炙豚肩叉燒
14 瀏覽
0 讚好
0 留言
炙燒豚腩叉燒
22 瀏覽
0 讚好
0 留言
沖繩墨汁餃子
16 瀏覽
0 讚好
0 留言
沖繩豚肉餃子
16 瀏覽
0 讚好
0 留言
沖繩豚肉餃子
7 瀏覽
0 讚好
0 留言
吉列豬排
9 瀏覽
0 讚好
0 留言
吉列豬排
14 瀏覽
0 讚好
0 留言
芝士香草汁燒蠔
15 瀏覽
0 讚好
0 留言
芝士香草汁燒蠔
12 瀏覽
0 讚好
0 留言
芝麻雞翼
18 瀏覽
0 讚好
0 留言
鹽燒雞皮
14 瀏覽
0 讚好
0 留言
鹽燒鯖魚
13 瀏覽
0 讚好
0 留言
七味雞軟骨
13 瀏覽
0 讚好
0 留言
清酒煮蜆
13 瀏覽
0 讚好
0 留言
蒜蓉和牛粒
7 瀏覽
0 讚好
0 留言
姫達摩辛辣拉麵激辛
14 瀏覽
0 讚好
0 留言
鈴川達摩特上豚骨拉麵
17 瀏覽
0 讚好
0 留言
北海道 3.6 牛乳黑松露松葉蟹肉拉麵
14 瀏覽
0 讚好
0 留言
松川達摩拉麵
36 瀏覽
0 讚好
0 留言
高崎達摩豚骨拉麵
20 瀏覽
0 讚好
0 留言
越谷咖哩拉麵
17 瀏覽
0 讚好
0 留言
多摩達摩墨魚汁拉麵
14 瀏覽
0 讚好
0 留言
多摩達摩墨魚汁拉麵
11 瀏覽
0 讚好
0 留言
炙燒芝士龍蝦拉麵
12 瀏覽
0 讚好
0 留言
炙燒芝士龍蝦拉麵
14 瀏覽
0 讚好
0 留言
炙燒芝士龍蝦拉麵
22 瀏覽
0 讚好
0 留言
櫻花水信玄餅
36 瀏覽
0 讚好
0 留言
櫻花水信玄餅
25 瀏覽
0 讚好
0 留言
張貼
