黑丸嫩仙草 (已結業)

同朋友在太子食完韓國野，口乾乾就黎食碗芋圓同冬瓜茶。嘩，個menu有好多選擇，花多眼亂，款款d名都好吸引我地好舉棋不定，兩個店員好貼心，會好有禮貌咁俾意見我地，幫我諗埋d配搭，確保可以試到唔同配料！而且我地突然話冬瓜茶可唔可以走冰，佢話已經整好左，但都仍然保持良好服務態度，解釋俾我地聽冬瓜茶如果無冰可能會好甜。真係睇唔出貌似豪邁的店員，服務態度也挺不錯呢。好攪笑，有個收銀店員外貌似外國人，但竟然講得一口流利的地道廣東話，做非常好服務態度。份量足，同朋友兩個人share都夠食，芋圓彈牙又好味，配料十足，冬瓜茶清甜又解喝。兩樣加埋先$56，抵啦！店內會播放台灣節目的收音機，耳朵不停聽到台灣腔，感覺像是置身台灣，至少是在這杯冬瓜茶和芋圓以外的一點小確幸。