影片
更多
2014-01-10
1235 瀏覽
大除夕無出外倒數, 想早點吃完晚飯早點回家休息, 始終在家千日好... 外面人太多, 有點恐懼, 我是不是有自閉症呢?!! 哈哈...幾個月前見到阿詩瑪舊址正在裝修改為咖啡店, 仲以為佢從此消失, 後來睇報紙見到美食前局長去咗新店試食, 原來又係太古城開翻, 不過就唔係好清楚係邊個位開...今日口淡淡又想食酸辣米線, 就諗起阿詩瑪, 上網搵下佢的新地址, 雖然唔確定, 都決定去試下搵...係太古城商場入面有2個出口可以去到, 第1個係阿詩瑪舊址(現為連鎖咖啡店)與Apita玩具部之間的出口, 一行出去轉左就係... 第2個係百X匯與歐FA之間的出口, 一行出去轉右係銀行, 再轉右, 行多幾步就到... 哈哈, 我一向都係會揀錯又遠又耐的路, 今次都係, 揀咗第2個, 好彩只係多幾步路...行到去阿詩瑪, 嘩!!! 大紅+大金, 好土豪Style呀!!! 2個出入口都係要行4級樓梯, 對行動不便者如老人家及坐輪椅的人士有點不便...外面望到入來的地方係較為自成一角的大枱...再往內行, 一排4人枱, 一排2人枱, 再入頗迫的4人卡位, 再入都好似仲有... 坐下後Honey話外面望入來就
幾個月前見到阿詩瑪舊址正在裝修改為咖啡店, 仲以為佢從此消失, 後來睇報紙見到美食前局長去咗新店試食, 原來又係太古城開翻, 不過就唔係好清楚係邊個位開...
今日口淡淡又想食酸辣米線, 就諗起阿詩瑪, 上網搵下佢的新地址, 雖然唔確定, 都決定去試下搵...
係太古城商場入面有2個出口可以去到, 第1個係阿詩瑪舊址(現為連鎖咖啡店)與Apita玩具部之間的出口, 一行出去轉左就係... 第2個係百X匯與歐FA之間的出口, 一行出去轉右係銀行, 再轉右, 行多幾步就到... 哈哈, 我一向都係會揀錯又遠又耐的路, 今次都係, 揀咗第2個, 好彩只係多幾步路...
行到去阿詩瑪, 嘩!!! 大紅+大金, 好土豪Style呀!!! 2個出入口都係要行4級樓梯, 對行動不便者如老人家及坐輪椅的人士有點不便...
外面望到入來的地方係較為自成一角的大枱...
再往內行, 一排4人枱, 一排2人枱, 再入頗迫的4人卡位, 再入都好似仲有... 坐下後Honey話外面望入來就好靚, 入到來間隔就像茶餐廳...
茶芥-- 醃蘿蔔第1粒辣到反眼, 但Honey話唔辣, 我再食第2粒就唔辣, 微到差點不發現的酸, OK爽口... 涼拌3絲有紅蘿蔔絲、薯絲及木耳絲, 好健康呀!!!
野菌山珍氣鍋雞 $68-- 菌味濃, 湯頭甘香, 熱辣辣超燙嘴, 要小心飲用...
大理王爺骨 $78-- 多官冕堂煌的名字, 說穿了只是糖醋骨... 醬汁做得不錯, 甜與酸的味道很平衡... 排骨肥廋適中, 第2天翻叮來吃也不會太韌...
家鄉爆炒蓮藕片 $78-- 明明清楚見到是蓮藕, 入口的口感竟然像反沙芋, 分別只是這個是鹹的, 反沙芋卻是甜的, 很神奇呀... 最神奇的是大辣椒居然炸得像薯片一樣脆, 一點也不辣, 香口惹味, Honey食到唔停得口... 仲有肥肉, 我唔敢試... 整體都幾油膩, 偶爾一試無妨...
雲南小鍋米線 $78-- 落單昤要求"多酸", 但酸菜仍少得可憐, 唔知係經理無幫我落"多酸", 定係唔"多酸"的時候酸菜份量會更冷清... 米線過腍了一點, 肉碎大部份是肥膏, 韭菜少得離奇, 湯頭香味略遜, 吃得不起勁...
價錢比搬位前貴了很多, 以後應該不會常來, 偶爾吧...
張貼
