火星料理 (已結業)

今晚食左韓國料理，餐廳叫火星料理，位於觀塘工廈上面，大家都話去工廈尋寶，今日我同朋友就去試下呢間口碑吾錯嘅韓國餐廳先！入到去，店員好有禮貌咁安排坐位，雖然裝修冇乜特別，但都算坐得舒服同夠晒闊落！我地二人嗌左個辣泡菜年糕豬肉部隊窩！因為都係兩至三人分量，所以我地兩個只係嗌左呢個都夠飽了！前菜分別俾左八碟我地丫！！真好！泡菜，茄子，同薯仔係我推介！食完仲可以免費加。吾洗好耐部隊窩到！！下面有gases爐開住火heat住，入面勁多料，全部都係料嚟，而我嗌左粉絲，就另外上，自己加落去，咁就吾會煲得太耐林晒！辣度適中，吾會太辣，入面嘅料包括有腸仔，午餐肉，菇，紅蘿蔔，白蘿蔔，圓同扁年糕，瓜，洋蔥，吾同丸類等等，好豐富，好好食！！食完仲有雪米滋！大滿足！其實呢間餐廳我地早食六點幾就到左，食到咁上下，都好多客人，差吾多坐滿晒客人，仲見到真係韓國人食客，在工廈上面嘅餐廳都咁多客，就知野食幾好，大家都可以試下！