金祥排骨麵

營業中

休息中

又一間人氣長龍店👭🏻，夜晚八點幾都仲見人龍，好彩等左幾個字就成功入座。識叫就叫招牌排骨麵🍲再試埋個雲吞去，成功食到最後一個幼麵，之後聽到其他麵類同食材陸續都沽清，想食記得早啲黎喇。菜膽雲吞排骨麵 $47 加豆漿 $6菜肉雲吞粒粒都好飽滿，一共有三大粒，皮薄餡足。我鐘意佢個幼麵🍲就算浸耐左都唔會又爛又斷，質地好實淨。而主角排骨🐷炸得非常金香，睇落好似好柴，但食落一啲都唔會，脆香既炸衣緊貼肉身，肉質唔乾岩岩好，果然名不虛存。豆漿🥛就比較失色左，甜度偏高，而豆既酸味仲係到。