阿里山 (逸酒店) (已結業)

店面唔大，唔算係大規模嗰啲蛋糕店既感覺，機器幾部同幾個店員，仲有超多雞蛋🥚同麵粉😂。係我揀緊食咩味個陣，店員都有介紹下佢地既口味有咩特別，依樣都真係估唔到👍🏻，感覺幾有heart❤️，最後揀咗兩款口味，每樣半個。🔻日本柚子蜂蜜 $50🔻 本來諗住柚子蜜可能係平時飲嗰啲🤣，但店員介紹係用上日本柚子皮同台灣龍眼蜜，打開見到蛋糕嗰陣，真係幾大粒柚子皮係個蛋糕面😂，食落蛋糕幾鬆軟，柚子味道真係特別香濃😋，味道唔太甜👍🏻。🔻芝士肉鬆 $45🔻未見到個蛋糕嗰陣，我幻想個肉鬆係餡😌，見到蛋糕嗰陣，先發現原來啲肉鬆喺面🤣，以為得蛋糕面先有肉鬆味道可能會麻麻地😏，原來肉鬆喺面食落有第二個口感🤩。食落幾香蛋味👍🏻仲有芝士夾心，幾香😋，仲有個肉鬆，係蛋糕表面，焗到鬆脆又帶少少感味🤩，同芝士幾夾👍🏻。