Terrace in seaside (形點 I)

營業中

休息中

眨下眼原來聽日就係Halloween啦！早排就去左Terrace in seaside元朗形點分店，見到佢哋竟然有Halloween special菜式，就去左試試！飲品點左惡鬼荊棘海提子沙冰。造型賣相好得意搞鬼！提子沙冰堆到惡鬼形狀，仲有埋惡鬼眼同佢條尾。提子沙冰飲落好清爽，有香甜提子香，底層係乳酪，加埋乳酪酸酸甜甜咁，好加分！另一杯唔係Halloween special但賣相顏色都好有Halloween vibe嘅濟州柑橘乳酸梳打。入口係好突出嘅柑橘清香，配埋乳酸梳打，好refreshing好解渴！入面仲飲到柑橘果肉添！點嘅兩份主食都唔錯。韓式奶油排骨鍋。可以揀原味或辣味，叫左個辣味，佢個辣度係微辣，所以唔食得太辣嘅都食到！排骨煮到好軟好腍好入味。個奶油醬好好味，甜甜辣辣咁好惹味。入面仲有年糕、蘿蔔同紅薯粉，索埋個醬汁更好味！啖啖蟹肉千層麵。呢個千層麵好足料！無論係面頭定千層麵內餡都佈滿絲絲蟹肉。面頭嘅蟹肉醬好鮮味，仲有拉絲芝士。雖然呢個千層麵會比較飽濟，但係真係幾好味，2個人share嘅話就啱啱好！最後再食埋甜品。Halloween special嘅幽靈來襲！士多啤梨朱古力窩夫。