影片
更多
2016-09-21
4409 瀏覽
好感動，細佬出黎做左幾年工作，終於有能力請家姐去半島食餐好既。一入到去已經俾呢個茶具佈置吸引坐位後既佈置，好有舊上海既風味。連筷子座都好有特色餐前小吃 - 琥珀合桃，好甜好脆好香口，之後問職員原來樓下有得買，不過要百五蚊得一小包。片皮鴨 - 一生人中食過最好食既片皮鴨，個皮好脆好香。個海鮮醬好香甜，味道有啲似平時食腸粉用既甜醬。塊包皮好薄又唔易穿，唔似出面果啲一係就厚到似棉胎，一係就薄到穿窿。有4款配料，除左平時成日見到既三絲外，仲多咗一款蜜瓜絲，十分清甜爽口。綜合呢道菜黎講，一個字：正！食片皮鴨時有專人係隔離serve我地，食完一塊會主動幫我地包第二塊，服務一流！剩番既肉同骨職員問我地想點整，我地決定用黎煲湯，個湯十分濃郁好味！紅燒豆腐（唔係好記得菜名） - 個豆腐好香好滑，竹笙好爽口，唔錯！咕嚕蝦球（？）（又唔記得菜名）- 我唔食蝦，不過佢地話好食。香桃匈牙利鬈毛豬咕嚕肉（呢個超記得菜名）- 啲豬肉炸得好香脆但唔會影響左肉既質感，加埋甜酸醬同啲桃既配襯，簡直係一流！瑤柱蛋白炒飯（？）- 個飯炒得幾香，不過同之前幾個餸相比下就冇乜特別乾清棗皇糕 - 甜得嚟唔會太膩，好香既紅棗味，又唔
一入到去已經俾呢個茶具佈置吸引
坐位後既佈置，好有舊上海既風味。
連筷子座都好有特色
餐前小吃 - 琥珀合桃，好甜好脆好香口，之後問職員原來樓下有得買，不過要百五蚊得一小包。
片皮鴨 - 一生人中食過最好食既片皮鴨，個皮好脆好香。個海鮮醬好香甜，味道有啲似平時食腸粉用既甜醬。塊包皮好薄又唔易穿，唔似出面果啲一係就厚到似棉胎，一係就薄到穿窿。有4款配料，除左平時成日見到既三絲外，仲多咗一款蜜瓜絲，十分清甜爽口。綜合呢道菜黎講，一個字：正！食片皮鴨時有專人係隔離serve我地，食完一塊會主動幫我地包第二塊，服務一流！
剩番既肉同骨職員問我地想點整，我地決定用黎煲湯，個湯十分濃郁好味！
紅燒豆腐（唔係好記得菜名） - 個豆腐好香好滑，竹笙好爽口，唔錯！
咕嚕蝦球（？）（又唔記得菜名）- 我唔食蝦，不過佢地話好食。
香桃匈牙利鬈毛豬咕嚕肉（呢個超記得菜名）- 啲豬肉炸得好香脆但唔會影響左肉既質感，加埋甜酸醬同啲桃既配襯，簡直係一流！
瑤柱蛋白炒飯（？）- 個飯炒得幾香，不過同之前幾個餸相比下就冇乜特別
乾清棗皇糕 - 甜得嚟唔會太膩，好香既紅棗味，又唔黏牙，值得一試！
杏仁茶 - 好香濃又唔太甜，食完發現個有少少蛋白痴係碗底
最尾餐廳送上椰汁糕同薑汁糕，一共有8件，為呢餐畫上完美句號。期望下次再嚟嘉麟樓食飯！
張貼
