影片
更多
2013-09-12
61 瀏覽
近掛成日聽啲同事講TVB有人開咗間好有突色的拉麵店，咁我見今日又唔知食乜好所以就同朋友來試下。去到果到，我見到唔對路喎，因為門口無人排隊，通常好食的野都有好多人排架，仲有我來到果時都已經12點幾；點知天外有天，間餐廳真係好貼心，條人龍安排咗係餐廳裡面，你一定以為咁樣間餐廳一定好迫啦，但係唔係喎，因為間餐廳用一個L字的bar將師傅圍住，每個食客都會見到整拉麵的過程，其他的位置就預留比其他客人等位(其實等位果到都放到2-3張2人枱)，咁就唔使係出見又熱又晒啦，佢地真係好好。係等的期間，我當然有留意下其他環境啦，佢有一個位掛住好多木牌，好似日本人的許願牌，咁當然有好多應該係開張當日，TVB同人的祝賀字句啦，但係我好鍾意佢咁樣的設計，咁樣更加顯得佢有日本風味，好過一啲只係用特大清酒樽或者掛幾條banner來得有特色，更加貼近日本的風情。一坐低我就即刻找下有無特色的餃子，因為我去到有餃子的地方一定會食架；佢地有一個芝士餃子，佢個面有一大片芝士，睇落去已經好好味，仲配上一個師傅秘製的醬汁，好得意架，係沙律醬加辣油，辣得來又唔會失咗沙律醬的味道，有多種的層次，總之一味兩食，淨食餃子又得，加醬食又得，
去到果到，我見到唔對路喎，因為門口無人排隊，通常好食的野都有好多人排架，仲有我來到果時都已經12點幾；點知天外有天，間餐廳真係好貼心，條人龍安排咗係餐廳裡面，你一定以為咁樣間餐廳一定好迫啦，但係唔係喎，因為間餐廳用一個L字的bar將師傅圍住，每個食客都會見到整拉麵的過程，其他的位置就預留比其他客人等位(其實等位果到都放到2-3張2人枱)，咁就唔使係出見又熱又晒啦，佢地真係好好。
係等的期間，我當然有留意下其他環境啦，佢有一個位掛住好多木牌，好似日本人的許願牌，咁當然有好多應該係開張當日，TVB同人的祝賀字句啦，但係我好鍾意佢咁樣的設計，咁樣更加顯得佢有日本風味，好過一啲只係用特大清酒樽或者掛幾條banner來得有特色，更加貼近日本的風情。
一坐低我就即刻找下有無特色的餃子，因為我去到有餃子的地方一定會食架；佢地有一個芝士餃子，佢個面有一大片芝士，睇落去已經好好味，仲配上一個師傅秘製的醬汁，好得意架，係沙律醬加辣油，辣得來又唔會失咗沙律醬的味道，有多種的層次，總之一味兩食，淨食餃子又得，加醬食又得，口感豐富，味道一流。
咁當然唔小得主食啦，有芝士番茄叉燒飯同冷沾麵，講起個芝士番茄叉燒飯，我又感覺到好飽啦，因為佢個份量超大，人地比叉燒只係比幾件你仲要係好細件，呢到唔係囉，好似唔使理成本咁，比好鬼大塊你；件叉燒的口感就有啲似豬排，唔係好似一般食到的咁鞋拾拾，啲脂肪仲分佈得好平均，係一層脂肪一層肉，所以咬落去啲肉汁已經係口中爆出來，加上佢個份量真係好大，連我自稱大食都應付唔來。
咁個冷沾麵又係另一類食品，佢的份量好啱女仔食，我問過佢地，原來個麵係請日本師傅駐場整架，咁就一定夠正宗啦。呢個麵聽閒係日本好hit，好多女仔都好鍾意食，因為佢的份量啱OL，係夏天食就最啱，因為係冷麵，食落肚，透心涼。
我果日仲好好彩添呀，差唔多食完的時候有名星睇，係呢到的老闆陳建鋒，佢一返來就落手落腳做樓面野，一啲架子都無，讚。
張貼
