影片
更多
2023-07-08
98 瀏覽
燈光下通透的和牛燒肉，花紋好靚，油脂慢慢一滴一滴流下來，欣賞了好久，嘖嘖稱奇！選了E級別的放题套餐，平日晚市598加一，120分鐘，頭盤的A4和牛扒已經不得了，塊牛肉同個燒烤盆一樣大。職員現燒，火爐好搶火，好似睇表演。今次食燒肉，多得職員負責燒所有頭盤，又經常睇住每一台客人燒肉嘅情況會出手相助，服務超級好👍🏻👍🏻👍🏻。我幾時都覺得餐廳有職員負責燒，唔會自己燒燶晒，先至發揮到食材最好嘅一面。真係幾開心，同一般燒肉真係另一個層次。和牛質素高，同宣傳照片一模一樣，件件都係靚肉，又好有牛味。多款選擇之中，個人覺得最好食嘅係「和牛里脊肉」，肉質細嫩，又唔會太肥👍🏻。至於「三角腹肉」，雖然影相靚，但係油份重咗少少，一試無妨，食多幾件就會濟😬和牛刺身、和牛壽司、都係好吸引嘅。賣相非常好，燒肉來講有埋和牛刺身供應真係幾pro。兩個人嚟食都話日本雪條放題、爆谷、棉花糖好吸引！牛牛呀，請容許我哋童心未泯的膚淺🍭，我要放棄你、開始食雪條啦！
燈光下通透的和牛燒肉，花紋好靚，油脂慢慢一滴一滴流下來，欣賞了好久，嘖嘖稱奇！
選了E級別的放题套餐，平日晚市598加一，120分鐘，頭盤的A4和牛扒已經不得了，塊牛肉同個燒烤盆一樣大。職員現燒，火爐好搶火，好似睇表演。
今次食燒肉，多得職員負責燒所有頭盤，又經常睇住每一台客人燒肉嘅情況會出手相助，服務超級好👍🏻👍🏻👍🏻。我幾時都覺得餐廳有職員負責燒，唔會自己燒燶晒，先至發揮到食材最好嘅一面。
真係幾開心，同一般燒肉真係另一個層次。和牛質素高，同宣傳照片一模一樣，件件都係靚肉，又好有牛味。多款選擇之中，個人覺得最好食嘅係「和牛里脊肉」，肉質細嫩，又唔會太肥👍🏻。至於「三角腹肉」，雖然影相靚，但係油份重咗少少，一試無妨，食多幾件就會濟😬
和牛刺身、和牛壽司、都係好吸引嘅。賣相非常好，燒肉來講有埋和牛刺身供應真係幾pro。
兩個人嚟食都話日本雪條放題、爆谷、棉花糖好吸引！牛牛呀，請容許我哋童心未泯的膚淺🍭，我要放棄你、開始食雪條啦！
張貼
