川味美食

營業中

休息中

今日有要事要到佐敦那邊，估唔到都能找到好食處。原先想食譚仔，剛巧譚仔旁有間都是食酸辣的美食。看看門面，原來呢到只是其中一分店，不過沒想太多，就進入該店吧。基於過咗食飯時間，一入店就搵到位啦。翻開餐牌，只見到是一張雙面佈滿字數的A4過膠紙。咁看了一會兒，唔想食米線嘅情況下就揀了秘制醬汁撈紅薯幼粉，再加配腩肉（因見到其他食客都係叫薯粉，所以跟人食薯粉）。而辣度就揀了中辣。而且叫咗一支黑豆漿作解渴解辣。等了一會兒，薯粉到，不過要自己撈勻循，撈後就品嚐第一啖。都唔算太辣呀，但醬汁夠味，薯粉夠煙韌，口感很好。至於腩肉不是薄片，啖啖肉，又juicy。食後就諗，好彩過到食飯時間嚟食，唔係就有排等。有機會再到其他分店進食，希望同樣有驚喜啦。