米走雞 (昭德大廈) (已結業)

朋友話屋企附近有家雞煲好好食，話岩我呢D食唔到辣的人問係咩雞煲? 原來係芝士雞煲。我一聽到後就立即醒神，未等佢講完就話去呀~去呀  我地一行五人一去到就見到場內已Full，當時係夜晚七時，等左成個鐘先有位入座。真係估唔到呢個地區都咁多人呀。跟手我們立即點菜，而上菜亦很快，芝士雞煲先上，之後其他菜呀、肉呀、海鮮都陸陸續續送上。其實雞煲我都係第一次食咋，因為一般雞煲都係辣多，而聽到有芝士雞煲的存在，我當然要去試下好唔好食啦 果然冇令我失望，芝士味道濃郁，每件雞都沾滿芝士汁雞件很快就俾我們瓜分曬了。之後再將其他火鍋配料放上，有炸響鈴、牛柳粒、豬頸肉、特級雪花肥牛特別喜愛牛柳粒及豬頸肉，兩樣都特別啖啖肉有咬口，而且沾上芝士汁格外滋味。扇貝非常新鮮，一人一隻，配上芝士確是另一種食法。魚歡喜(墨魚滑)火鍋點解會有年糕，原來係墨魚滑，外型趣緻。食火鍋又點可以唔叫返D蔬菜食呢最後這個出前一丁配上半溶的芝士及吸收豐富精華的湯底出場了，重口味者人士至愛，而我只是淺嚐了幾口罷了。