肯德基家鄉雞 (KFC)

營業中

休息中

一向都好中意食炸雞，意外地見到KFC新開既concept store，就忍唔住入去試試。我地兩個人叫咗一個燒春雞2人餐（$138）同薄餅雞餐 (普通)（$48）。燒春雞2人餐入面有燒春雞、格格脆薯塊、田園沙律同汽水。無諗過係KFC可以食到咁「高級」既雞！當然肉質一定無咁嫩滑，不過以咁樣既價錢其實質素已經算唔錯。環顧四周感覺上唔係好多人叫咗呢個餐，可能因為份量比較大同埋覺得係KFC食燒春雞有啲怪😂而薄餅雞餐都包括咗田園沙律同汽水。微辣既炸雞做「薄餅底」，上面配有粟米同芝士，比想像中膩 (當然都因為燒春雞餐份量比較大)，係幾特別不過味道一般般。如果想試下另類既KFC不失為一個好選擇！