經典廚房 (H.A.N.D.S) (已結業)

第一次嚟到經典廚房,一入到去見到成排乳豬燒鵝掛晒喺喥,就知呢啲肯定係鎮店之寶~(可以嘅話都想睇吓整燒豬嘅過程,因為真係有點出奇,認真成世仔都未見過…)堂剪醬燒乳豬一場嚟到當然叫返隻試吓!發覺隻乳豬真係燒得唔錯,入口ｄ皮仲脆嘅,而且用嘅醬都幾惹味~雖然唔算太大隻,但都足夠3個人食,本人極力推薦!海鮮芋頭烙呢碟餸我覺得幾特別,望落似蠔餅,但蠔轉咗做芋頭..食落脆脆哋之餘,又唔會覺得好油膩~香不辣醬汁牛肉睇落嘅感覺好似好辣…唔太食得辣嘅我本身都唔係好敢食,但見上台後唔使一陣就清得7788,就忍唔住夾返塊試試~點知個醬配埋牛肉原來都真係幾好味吓!等我分享吓感受先!食完呢餐係幾滿足嘅,而且價錢合理,味道都比想像中理想~唯一就係等位等得耐咗啲..但若果唔介意等一陣嘅話,可以一試!!