影片
更多
2021-04-12
541 瀏覽
平時俾朋友話我咩都食，對食物無咩要求，忍唔住要寫第一次嘅食評。🤦🏻♀️因為我無諗過自己要寫食評，所以無影過相，有唔少都揭開左蓋又蓋番，然後準備掉...未試過掉咁多嘢食😩到隔左幾個鐘，都仲諗緊餐飯，所以決定要寫一寫...今日用熊貓app叫左外賣，分別係：1. 豬手擔擔麵（中辣）1碗2. 口水雞1份3. 炸排骨1份4. 上湯浸時蔬2份5. 獅子頭（例牌）1份6. 豆漿2杯1）豬手擔擔麵（中辣）：正如標題所寫，只有擔擔麵可以接受，湯係1碗，而麵同豬手同配料（肉碎同榨菜）係分開另外1個碗放，一開蓋碗湯都有聞到香味，湯嘅花生醬味濃，辣味都係附合我所想要嘅中辣程度，麵食得外賣嘅話都預左會痴埋變一餅嘢，所以我唔會話啲咩，而個麵質係可以接受嘅，仲有少少咬口，唔會話太淋或太硬，豬手有3細舊，味道ok唔好意思，由呢度開始，全部都係劣評...2）口水雞：太辣太辣，我自問都叫食得辣嘅人，但係佢嘅辣味比起嗰碗中辣嘅擔擔麵係辣多好多倍，食左2-3件雞，已經飲晒啲豆漿，但係豆漿太甜，甜到喉嚨唔舒服，用左好多時間先食得完，啲雞肉係入味嘅，不過鹹得濟，辣得濟，食得好辛苦，同埋肉質有啲梅3）炸排骨：可能係因為外賣啦，唔脆
今日用熊貓app叫左外賣，分別係：
1. 豬手擔擔麵（中辣）1碗
2. 口水雞1份
3. 炸排骨1份
4. 上湯浸時蔬2份
5. 獅子頭（例牌）1份
6. 豆漿2杯
1）豬手擔擔麵（中辣）：正如標題所寫，只有擔擔麵可以接受，湯係1碗，而麵同豬手同配料（肉碎同榨菜）係分開另外1個碗放，一開蓋碗湯都有聞到香味，湯嘅花生醬味濃，辣味都係附合我所想要嘅中辣程度，麵食得外賣嘅話都預左會痴埋變一餅嘢，所以我唔會話啲咩，而個麵質係可以接受嘅，仲有少少咬口，唔會話太淋或太硬，豬手有3細舊，味道ok
唔好意思，由呢度開始，全部都係劣評...
2）口水雞：太辣太辣，我自問都叫食得辣嘅人，但係佢嘅辣味比起嗰碗中辣嘅擔擔麵係辣多好多倍，食左2-3件雞，已經飲晒啲豆漿，但係豆漿太甜，甜到喉嚨唔舒服，用左好多時間先食得完，啲雞肉係入味嘅，不過鹹得濟，辣得濟，食得好辛苦，同埋肉質有啲梅
3）炸排骨：可能係因為外賣啦，唔脆，淋嘅，入口好似濕左水嘅炸麵粉，啲肉淋得濟，啲肉都係好鹹，同埋好油，油味都有啲臭，佢除左肉會炸之外，連肥油都有炸，食左1舊成舊都係肥嘅，啲油咇出嚟都係臭嘅油味，成碟食左1/3就掉左
4）上湯浸時蔬：因為叫左唔少肉，所以決定叫2個菜，點知打開第1碗，就見到勁大隻烏蠅喺個菜上面，同啲菜一齊浸住湯，所以即刻蓋番，心諗算啦...仲有第2碗可以食嘅，一打開...點解呀...又有蚊喺碗菜度浸住啲湯...無菜食...掉晒...味道無試啦，菜係小棠菜，睇起嚟份量係多嘅
5）獅子頭（例牌）：一開蓋就好大陣完全唔討好嘅臭肉味，有2個拳頭咁大嘅肉球，表面極乾同硬，啡黑色，都係試一細啖肉，裡面啲肉唔乾，不過味道唔好味，係怪味，又唔係鹹，又唔係甜，最大嘅問題係呢道餸嘅臭味，令人食唔到落去，而圍住啲肉係「小棠菜」，我真係唔敢再掂啲菜，所以無試到，呢碟試左1啖之後都蓋番埋，就無晒臭味，又係掉...
如果真係要食呢間，只會推薦你揀擔擔麵...肉同菜嘅經歷都好差...同埋衛生程度...🤷🏻♀️
另外覺得價錢好平，連叫外賣都覺得平，不過唔好味就無用...
張貼