羅東肉焿番

營業中

休息中

呢排見好多人都食肉鬆芋泥吐司，好似好好食甘，知道元朗有得食。今日過開黎元朗，冇理由唔去食既。星期日未到七點就去到，都要等左陣先有位。我地叫左1號招牌羅東肉焿湯餐，肉鬆芋泥吐司同仙草芋圓2號。羅東肉焿湯餐有碗魯肉飯，食落唔肥膩，但成碗飯唔熱既，雖然味道可以。羅東肉焿湯我地唔係好識欣賞，係我地唔好有茨既湯，舊肉口感係結實既豬肉，而且又係唔熱既。套餐有跟野飲，要左熱冬瓜茶，好濃冬瓜味，但係偏甜。肉鬆芋泥吐司冇令我失望。芋泥幼滑帶甜味，估唔到肉鬆可以同吐司一齊食，幾夾。我略嫌芋泥份量偏少，再多d好d。仙草芋圓2號好足料，有仙草，三色芋圓，白色小丸子同海藻水晶，不過不失，但好抵食。