影片
更多
2018-08-02
73 瀏覽
星期日要搵一個有得book枱又唔限時嘅地方有d難度之前去過plato地舖,覺得都ok,但估唔到令人咁失望四個人,唔想諗得咁辛苦,叫兩個二人餐抵d又可以share餐飲只係包$34或以下,諗住都係咖啡奶茶檸茶檸水啦,點知$34只有espresso同4款twinning茶包可以揀,飲奶茶都要加$2呀!!咁咪等如擺明焗你加錢飲其他野餐湯好快就到,冇得揀紅白,一律得紅湯其他食物上菜完全冇跟次序,總之煮好乜野就上枱強烈建議酸忌廉另上一開始食嘅時候係食唔到忌廉有任何酸味,去到差唔多見底先感受到有幾酸.可能我少食酸忌廉,真係唔知原來酸味會沉沈澱.仲要浸到個底d薯條就黎變薯蓉炸魷魚圈都算係咁,成餐飯最好食,不過份量少左d粒帆立貝係幾大嘅,有挑腸都算係咁,但味道就一般叫做主菜但係份量奇細,我真係理解唔到件扒同成年女士手掌差不多長,夾硬都切到每人兩條仔另一個黑毛豬鞍,比呢個西冷更細,每人分到一條仔,大約同成年女士嘅食指差唔多大意大利飯煮得比較軟身,濃到爆嘅龍蝦味唔係個個都頂得順同埋我唔明點解每碟野都擺多條蔥喺上面,冇美感之餘仲好浪費飲品叫左兩杯薄荷朱古力,兩杯榛子朱古力,好甜,飲唔到其他味道見到menu有4
之前去過plato地舖,覺得都ok,但估唔到令人咁失望
四個人,唔想諗得咁辛苦,叫兩個二人餐抵d又可以share
餐飲只係包$34或以下,諗住都係咖啡奶茶檸茶檸水啦,點知$34只有espresso同4款twinning茶包可以揀,飲奶茶都要加$2呀!!咁咪等如擺明焗你加錢飲其他野
餐湯好快就到,冇得揀紅白,一律得紅湯
其他食物上菜完全冇跟次序,總之煮好乜野就上枱
強烈建議酸忌廉另上一開始食嘅時候係食唔到忌廉有任何酸味,去到差唔多見底先感受到有幾酸.可能我少食酸忌廉,真係唔知原來酸味會沉沈澱.仲要浸到個底d薯條就黎變薯蓉
炸魷魚圈都算係咁,成餐飯最好食,不過份量少左d
粒帆立貝係幾大嘅,有挑腸都算係咁,但味道就一般
叫做主菜但係份量奇細,我真係理解唔到件扒同成年女士手掌差不多長,夾硬都切到每人兩條仔
另一個黑毛豬鞍,比呢個西冷更細,每人分到一條仔,大約同成年女士嘅食指差唔多大
意大利飯煮得比較軟身,濃到爆嘅龍蝦味唔係個個都頂得順同埋我唔明點解每碟野都擺多條蔥喺上面,冇美感之餘仲好浪費
飲品叫左兩杯薄荷朱古力,兩杯榛子朱古力,好甜,飲唔到其他味道
見到menu有4款甜品都唔洗加錢,本來想每款一件,但係冇哂mousse cake,所以揀左兩件cheese cake兩件tiramisu.望到個雪櫃入面一盒盒,都唔知係唔係自家製,味道都還可以,但飲完杯野咁甜都食唔出味
題外話/補充資料：
成餐飯最令人困擾嘅係呢度d店員好hea...
話說個黑毛豬上菜時個枱面擺哂野(d碟咁大),店員只係拎住碟黑毛豬等我地自己執好個枱面俾佢擺低,而當時我地隔離枱一直都冇人坐,佢絕對可以擺低喺隔離枱一陣,幫我地執左個枱面先
食到咁上下,有d野已經食完,店員好得閒企埋一邊吹水都唔會主動收走d吉碟
最惡頂就係其中一位店員不停一邊行黎行去一邊發出"啵"嘅聲音,就好似搽完潤唇膏會咪一下嘴唇嗰種"啵"聲,極其煩擾,食咁耐佢就"啵"咁耐
可能有人會話咁不滿做乜唔即場投訴?反正我絕對唔會再黎食,為乜要咁做呢
btw又話訂座送小食,都冇送到呀
(以上食評乃用戶個人意見 , 並不代表OpenRice之觀點。)
張貼
