車水堂車仔麵

營業中

休息中

啲人喺小红書推介車水堂車仔麵，喺附近返工所以同同事試一試，今次選擇喺OpenRice到選擇外賣自取，因為OpenRice外賣自取會有優惠。拎完外賣返去公司食，但一打開個袋，見到成袋都係湯倒晒出嚟，之後搞到啲膠碗油淋淋，好啦，唔緊要，就試吓新開嘅車仔麵。今次叫咗秘製魷魚蘿蔔牛筋豬骨湯粗麵，再加左秘製辣醬中辣，我只能夠講，只係得蘿蔔係比較出色，因為係入晒味同埋都好甜，但其他嘅餸都只係一般，如果喺中環堂食係另一個價錢，我相信有其他更加性價比高，食完一次，下次唔會再食。而秘製魷魚完全唔入味，一啲都唔辣。