湊湊火鍋‧茶憩 (如心廣場二期)

營業中

休息中

幾個月前，第一次經過呢間湊湊鍋嘅時候，買咗杯大紅袍奶茶，覺得好好飲，大紅袍茶嘅味道令我對佢念念不忘。今次嚟到荃灣，特意走過嚟再幫襯。見餐牌上有大紅袍拿鐵，向店員查詢下有咩分別，原來大紅袍奶茶係用奶粉沖，拿鐵係用鮮奶沖。於是今次點咗用鮮奶嘅拿鐵（少甜少冰），滿心期待，結果係超級失望個樣好似好吸引，不過可能因為啲奶變咗奶泡嘅狀態，同啲茶完全混合唔到。完全冇奶茶嘅味道，個甜度又蓋過咗個茶，啲冰碎溶埋，變咗冇咩味嘅糖水，完全冇諗過會係咁... 之後我哋忍唔住再點返個招牌大紅袍珍珠奶茶，三分糖少冰。這次，大紅袍奶茶嘅味道終於出現返，不過可能真係唔同師傅嘅手勢有異，今次個奶味比較重，個人覺得有點兒嘥咗個大紅袍茶。好懷念第一次飲嗰杯大紅袍奶茶嘅味道，真係可遇不可求。