Pici

營業中

休息中

呢間嘢基本上都成日食㗎啦，open rice 我都畀過好評，但係今次一定要post上嚟，因為真係好唔掂。今次食咗個大蝦墨汁結他麵 。 佢係有微辣嘅汁， 我覺得幾惹味，汁唔太辣。 得一隻大蝦 ，大蝦唔靚 ，雖然冇甩頭 ，但係肉身好霉，唔新鮮嘅蝦就係咁。 我咬咗一口，個肉質真係好奇怪，味道好奇怪 ，根本冇辦法食入口。 實在太難食 。 呢隻大蝦明明係亮點，但變咗敗筆之處 相反佢嗰啲細蝦就好爽口，好好食，點解會咁㗎？唔滿意嘅係上咗意粉，先上starter。 我最後等食完個意粉等咗十分鐘先有starter 。我已經同服務員反映，佢回答，因為今日好忙。唔得喇，而家佢嘅服務唔多掂。