Superhooman (已結業)

近期見到IG好多人嚟打卡，於是又嚟試吓！裝修走工業風，樓底好高，同時門口亦好高，所以坐門口位置其實無咩冷氣，都幾熱。食物選擇都多，輕食、主食、特色甜品，到精品咖啡都一應俱全。Mocha ($42)口感柔滑，朱古力味較重搶咗咖啡嘅味道，同埋爭咁啲甜味。鬆軟小班戟配山楂士多啤梨汁及雪糕 ($98)為咗呢個甜品而嚟，可惜有啲失望！賣相唔錯，不過班戟唔係粒粒都鬆軟綿密，而且味道有啲淡，點雪糕嚟食味道就會好啲！