影片
更多
2017-04-06
651 瀏覽
今次姐姐又帶我地去食好東西啦，佢上網見到紫荊閣嘅乞兒雞出名，有介紹過，就決定帶我去試下。餐廳係紅磡蕪湖街一間酒店入面，酒店裝修得好有特色，玩味較重，所以好容易就搵到。餐廳係中式裝修，但又不失時尚感，比人感覺好舒服。菜式都好多選擇，亦有套餐可選，而且餐廳做緊新開張優惠。茶味淡，而且茶水清澈。前菜 $16黑醋雲耳酸酸地幾清新開胃，但份量有啲少。叫化雞 $480餐廳最有名嘅係叫化雞，差唔多每枱人都有叫，因為準備需時，所以一定要提早book定，我地前一日book左，去到坐低無幾耐就已經送左上枱。成隻雞比泥封住，已經呈硬化狀態，服務員邀請我地試下扑開啲泥，都幾好玩幾得意，扑開啲泥，打開層錫紙之後，濃濃嘅荷葉香散發出泥，撥開荷葉後，一隻完整嘅叫化雞就出現係我地面前，服務員細心咁裝雞剪開一件件方便我地食用。雞肉香滑嫩口，皮薄脂肪小，雞入面有紅棗、栗子、冬菇，味道濃郁，而荷葉嘅味道又滲透左入雞肉，令味道好有層次，再配上一碗白飯，實在不得了。梅菜蒸茄子 $68份量都幾大，見到茄子白色本身驚未熟會硬，食落又發現好淋，茄子本身味道較淡，配上梅菜鹹鹹地幾好送飯。西檸斑塊 $108金黃色嘅斑塊外表令人食指大動，
餐廳係中式裝修，但又不失時尚感，比人感覺好舒服。
菜式都好多選擇，亦有套餐可選，而且餐廳做緊新開張優惠。
茶味淡，而且茶水清澈。
前菜 $16黑醋雲耳酸酸地幾清新開胃，但份量有啲少。
叫化雞 $480餐廳最有名嘅係叫化雞，差唔多每枱人都有叫，因為準備需時，所以一定要提早book定，我地前一日book左，去到坐低無幾耐就已經送左上枱。成隻雞比泥封住，已經呈硬化狀態，服務員邀請我地試下扑開啲泥，都幾好玩幾得意，扑開啲泥，打開層錫紙之後，濃濃嘅荷葉香散發出泥，撥開荷葉後，一隻完整嘅叫化雞就出現係我地面前，服務員細心咁裝雞剪開一件件方便我地食用。
雞肉香滑嫩口，皮薄脂肪小，雞入面有紅棗、栗子、冬菇，味道濃郁，而荷葉嘅味道又滲透左入雞肉，令味道好有層次，再配上一碗白飯，實在不得了。
梅菜蒸茄子 $68份量都幾大，見到茄子白色本身驚未熟會硬，食落又發現好淋，茄子本身味道較淡，配上梅菜鹹鹹地幾好送飯。
西檸斑塊 $108金黃色嘅斑塊外表令人食指大動，食落啖啖肉，肉質實在，唔會鬆散，西檸汁酸酸甜甜好開胃。
西蘭花花枝片 $128怕太情淡嘅可以沾小小蝦醬調味，我覺得味道唔算淡唔洗蝦醬都可以接受，不過配蝦醬都算另一種食法。
甜品係紫糯米，甜得泥唔膩，糯米易銀有口感。
張貼
