江山笑 (已結業)

昨晚與同事一行廿人光顧此店,話說是中式放題,成二百幾蚊位...都有點期待,點知又係同食百幾蚊果d放題一樣,叫十樣只會來六樣,其他果d等極都冇上,一係就柯打極都唔黎,好似博你唔記得咁,吹佢地上佢地只會一味同你講廚房整緊,結果又係冇晒影....睇過話呢間野係米芝連推介低食的說,原來都係一樣,除左比較貴一點之外.....食品方面,大至上都算可以,我推介食炒四貴豆,十分入味,班塊都比一般快餐店出的好,有個類似填江骨的都幾好味,蒸水旦就一般,燒牛柳條都算幾好食,不過碟野豆多過牛柳,炸花枝片同去大排檔果d冇乜分別....最難食係個甜品,芒果布丁....衰過超市買現成的...又淡又冇味,都唔知似乜?店舖唔算大,裝修都不錯,中式餐廳應有的中式裝修,入型入格,員工都幾有禮貌,好會用魔術語來招呼客人,吹食品時都冇比面色人睇.店舖位置不難找也算是鄰近地鐵站.個人來說,整體而言是麻麻地...