Wheatfield X 羅宋湯專門店 (漢宮閣) (已搬遷) 新店位置

天寒地凍又唔想出街...懶懶地經某個平台叫個外賣試吓...試佢地招牌個牛腩羅宋湯，幾足料又大粒，個羅宋湯夠杰身又夠濃味...夠哂開胃，跟餐加左一塊牛扒同一塊豬扒再加埋2隻炸雞翼，小食嚟講，夠入味又好食...豬扒竟然一啲都唔唔乾身同咬落有肉汁，好食另外餐揀既係醬油撈麵...麵唔會太淋身，撈左個醬油又唔會太咸，下次可以試吓麻辣味。湯既份量岩岩好，加埋個麵已經好夠飽，整體嚟講性價比高，幾十蚊既價錢有咁既質素同味道唔錯，絕對唔算差，絕對會想再翻轉頭再食。