影片
更多
2022-06-12
209 瀏覽
位於中環呢間上樓食Fine dining嘅Amici，因為被它新推出的Oyster套餐而吸引了！餐廳感覺好岩情侶食飯，燈光幾有情調。座位亦十分舒適，空間感充足。價格比起一般Fine Dining更能負擔，地鐵站出黎行3分鐘就到，一於好好享受一下！我地揀咗Oyster套餐，另外我哋就試咗個自選dinner set落完單好快就有麵包，麵包暖暖地，點醋汁食唔錯。Seaweed Jelly, White Balsamic with Salmon Roe & Chef Special Flavour三式生蠔 (海草啫哩,白醋三文魚子,廚師精選) 廚師精選係青蘋果絲，味道配合得相當好，中和左生蠔嘅油膩感。海草啫哩鹹香十足，白醋三文魚子微酸，多左一種唔同既口感。日本生蠔飽滿且口感JUICY～Dinner Set—Appetizer Prawn Tartar with Green Mango & Coconut Water 青芒果他他呢個真係可以推！青芒果加生蝦仔個味好正，椰子水亦可減肥膩感， 變得清爽，愈吃愈過癮，加埋一齊有意想不到的絶配美味! Oyster Chowder 鮮蠔周打忌廉湯：濃稠嘅餐
餐廳感覺好岩情侶食飯，燈光幾有情調。座位亦十分舒適，空間感充足。價格比起一般Fine Dining更能負擔，地鐵站出黎行3分鐘就到，一於好好享受一下！
我地揀咗Oyster套餐，另外我哋就試咗個自選dinner set
落完單好快就有麵包，麵包暖暖地，點醋汁食唔錯。
Seaweed Jelly, White Balsamic with Salmon Roe & Chef Special Flavour
三式生蠔 (海草啫哩,白醋三文魚子,廚師精選)
廚師精選係青蘋果絲，味道配合得相當好，中和左生蠔嘅油膩感。海草啫哩鹹香十足，白醋三文魚子微酸，多左一種唔同既口感。日本生蠔飽滿且口感JUICY～
Dinner Set—Appetizer Prawn Tartar with Green Mango & Coconut Water 青芒果他他
呢個真係可以推！青芒果加生蝦仔個味好正，椰子水亦可減肥膩感， 變得清爽，愈吃愈過癮，加埋一齊有意想不到的絶配美味!
Oyster Chowder 鮮蠔周打忌廉湯：濃稠嘅餐湯好Creamy而且好濃郁湯，入面重有原隻蠔係到，鮮味好飲 。
Soup of the day 精選餐湯：俄羅斯雜菜湯
用料滿滿，料比湯還要多，味道唔錯微酸，而且好夠熱。入面有好多蔬菜粒粒，口感豐富。
Main Course—Lobster Rockefeller and Deep-Fried Squid Ink Oyster煙肉菠菜牛油焗龍蝦配酥炸墨魚汁生蠔
半隻互相分享也剛好。一上枱見到個龍蝦咁大條已經嘩左出黎，賣相超吸引！龍蝦食落肉唔算好韌，幾彈牙架，除咗好肉，仲有龍蝦膏，配上青草醬一齊食味道更惹味，吃完會非常滿足！墨魚汁生蠔經酥炸，超香口～
Main Course—Crispy Scales of the Amadai Fish with Seafood Pumpkin Sauce 脆煎甘鯛魚配海鮮南瓜汁，甘鯛魚嘅肉質口感非常特別，鮮嫩得來帶點紮實，一啲都唔老唔柴，底下的米餅好好食。
Baked Apple Almond Cheese Tart with Vanilla Ice-Cream
焗蘋果杏仁芝士撻配雲呢拿雪糕，面頭鋪左熱辣辣既蘋果，蘋果酸酸甜甜，相當消滯。酥皮好鬆化，層層分明，配埋帶雲呢拿籽香滑的雲呢拿雪糕，口感食落去啱啱好。
最後再慢慢嘆埋一杯飲品，好休閒咁渡過左一個晚上，食得好豐富滿足。
老闆招呼殷勤，店員服務態度仲要好好，侍應見我地個碟一污糟又即刻幫我地，換值得一讚！張貼
