影片
更多
2021-08-23
111 瀏覽
無論你係咪素食者，對素年 @years.hk 呢個名一定唔陌生，由一間座位不多嘅深水埗小店，到而家喺荃灣同黃埔都開設咗分店，只係短短兩年時間 👏🏻 環境以白色為主調，配上木質傢俬同綠植點綴，打造出平靜而和諧嘅氛圍 🤍如果你都到訪過素年，唔難發現佢嘅菜單比較少更新，但新店新氣象，除咗招牌嘅新豬肉扒同不可能漢堡，終於出現咗一系列新菜式啦！😚‣ 芫荽麻婆豆腐刈包 ($128)刈包鬆軟得有啲似饅頭，餡料有煎香咗嘅杏鮑菇，麻婆豆腐滑捋捋仲充滿椒麻香氣 🌶 值得一提嘅係夾住大量芫荽唔係得兩三條，配搭創新得嚟又真係幾好味，睇嚟店主都係一名芫荽控，繼芫荽意大利飯之後又一力作 🤣‣ 精進料理 ($178)精進料理意即日本禪寺中嘅素食料理，烹調時不含五辛，相信每個 Foodie 都係為佢而來，因為九宮格的確打卡 able，上菜時店員同我哋講牛蒡、豆腐同蜜瓜都係日本直送 ✈️ 日本蔬果來貨價咁高，實在誠意十足，但以價錢咁高嘅標準嚟講，味道唔太驚喜 🤔 每小碟嘅味道分別唔大，雖然知道廚師想保留精進料理原汁原味嘅特色，但係都不至於淡而無味，建議可以用鹽麴、昆布或者柑橘類嘅食材調味以增加味道層次 🍊🍋店員最後問啱唔
如果你都到訪過素年，唔難發現佢嘅菜單比較少更新，但新店新氣象，除咗招牌嘅新豬肉扒同不可能漢堡，終於出現咗一系列新菜式啦！😚
‣ 芫荽麻婆豆腐刈包 ($128)
刈包鬆軟得有啲似饅頭，餡料有煎香咗嘅杏鮑菇，麻婆豆腐滑捋捋仲充滿椒麻香氣 🌶 值得一提嘅係夾住大量芫荽唔係得兩三條，配搭創新得嚟又真係幾好味，睇嚟店主都係一名芫荽控，繼芫荽意大利飯之後又一力作 🤣
‣ 精進料理 ($178)
精進料理意即日本禪寺中嘅素食料理，烹調時不含五辛，相信每個 Foodie 都係為佢而來，因為九宮格的確打卡 able，上菜時店員同我哋講牛蒡、豆腐同蜜瓜都係日本直送 ✈️ 日本蔬果來貨價咁高，實在誠意十足，但以價錢咁高嘅標準嚟講，味道唔太驚喜 🤔 每小碟嘅味道分別唔大，雖然知道廚師想保留精進料理原汁原味嘅特色，但係都不至於淡而無味，建議可以用鹽麴、昆布或者柑橘類嘅食材調味以增加味道層次 🍊🍋
店員最後問啱唔啱食，我哋好誠實咁講咗以上嘅提議，佢都話仲觀察緊食客嘅口味進行調整，仲話多數客人都剩係會答 Okay，需要啲比較真實嘅意見先知道點樣做得更好，年輕而有禮貌好抵讚 👍🏻
燕麥奶咖啡
4 瀏覽
0 讚好
0 留言
張貼
