影片
更多
2015-11-09
12971 瀏覽
呢排好忙，都冇乜時間寫食評，而家終於得閑少少，都一定要打返上個月係洲際食嘅嘅生日飯。上個月我生日，男朋友一早已經book咗洲際嘅港畔餐廳食自助餐，我未食過，而且係洲際，當然有所期待，點知真係有少少令我失望。一坐低，每人可以嗌一杯welcome drink，我地揀左kiwi 同mango juice,野飲正常，之後開始拎嘢食，我覺得食物選擇唔多，一張長枱一眼睇曬。冷盤雖然有大大隻嘅開邊波士頓龍蝦任食，好多都有膏，但係唔係好鮮甜，好似好雪藏冇乜味咁，皇帝蟹腳好鬼咸，完全得個咸字冇蟹味，長腳蟹普通，一般貨色，鮑魚得超細隻擺落玻璃杯仔懶矜貴嗰種，人地放題d鮑魚都大隻過佢多多聲，最緊要係竟然冇即開生蠔食，對於我呢個愛蠔之人嚟講絕對係bad news，喊∼不過蒸海鮮都幾好嘅，花蟹同扇貝都幾鮮甜係新鮮貨色，煎鵝肝，定鴨肝？都幾好，好香口，又唔太覺得油膩，應該係夾住塊菠蘿酸酸地起左中和嘅作用，海鮮羹ok, 串燒普通，甜品賣相ok, 味道一般，有d款式過甜。雪糕唔知咩牌子，冇寫出嚟，但應該係Haagen-Dazs，雪糕唔係獨立杯裝，而係有專「不」一球球的雪糕，五星級酒店竟然咁孤寒！景就幾好，八點可清楚見
一坐低，每人可以嗌一杯welcome drink，我地揀左kiwi 同mango juice,野飲正常，之後開始拎嘢食，我覺得食物選擇唔多，一張長枱一眼睇曬。
冷盤雖然有大大隻嘅開邊波士頓龍蝦任食，好多都有膏，但係唔係好鮮甜，好似好雪藏冇乜味咁，皇帝蟹腳好鬼咸，完全得個咸字冇蟹味，長腳蟹普通，一般貨色，鮑魚得超細隻擺落玻璃杯仔懶矜貴嗰種，人地放題d鮑魚都大隻過佢多多聲，最緊要係竟然冇即開生蠔食，對於我呢個愛蠔之人嚟講絕對係bad news，喊∼
不過蒸海鮮都幾好嘅，花蟹同扇貝都幾鮮甜係新鮮貨色，煎鵝肝，定鴨肝？都幾好，好香口，又唔太覺得油膩，應該係夾住塊菠蘿酸酸地起左中和嘅作用，海鮮羹ok, 串燒普通，甜品賣相ok, 味道一般，有d款式過甜。雪糕唔知咩牌子，冇寫出嚟，但應該係Haagen-Dazs，雪糕唔係獨立杯裝，而係有專「不」一球球的雪糕，五星級酒店竟然咁孤寒！
景就幾好，八點可清楚見到激光show, 服務都幾好，收碟速度快，侍應生態度有善，差不多埋單之際仲俾左張意見書俾我填，話嚟緊星光大道有工程，會有圍板隔住左個view, 所以想專注喺食物質素方面，我心諗，你地d食物質素尚有好大嘅進步空間，如果有工程冇view 睇就肯定不會再來啦！畢竟價錢都不便宜，折左加一都大概$800一位，我覺得灣仔會展的薈景無論食物種類同質素都好過呢間好多，而且價錢又平d，所以呢間港畔餐廳應是可一不可再了∼
張貼
