大門食堂 (德福廣場) (已結業)

星期六諗住同朋友係德福食lunch，一如以往周圍都好多人，咁岩見到有間門面都幾靚嘅日式拉麵店又唔洗排隊咁就決定入去。一個類似店長嘅人帶位(服裝與其他店員不一樣，白頭髮身型偏肥胖嘅中年男子)，咁個店長就帶左我地去最近口嘅一張枱，過左幾分鐘附近有一枱客人賣單，咁我同朋友就決定轉過去，有一名員工就幫我地整理，點知個白頭店長就出黎同員工講呢到無得轉枱(語氣極度惡劣)，其後個白頭店長同我地講有其他客人等緊呢張枱，但呢間店舖係以攞籌方式等位，咁我地就轉返去門口張枱。我兩個朋友都叫左同一款拉麵，但其中一碗係叫左偏硬身嘅麵，啲麵黎到店員無講明邊碗硬身啲，其後我朋友就問店員，店員隨機指出一碗😅我地食完碗拉麵都十分口渴之後再上埋日式煎餃子，口感極度似蒸餃子之後再上Openrice同社交平台都睇留言有人反映白頭店長態度好差，本人表示同意整體感覺同味道都好差，一定唔會再光顧，亦都希望其他人唔好中伏