Lady M

營業中

休息中

入到禁區醒起有間lady m。於時就去朝聖一下。之前一直都未試過。因為成日都覺得要排好耐隊。一去到見到堂食條人龍唔短。外賣就一個人都冇。所以排左一陣見條龍唔多郁就決定買走去閘口食算。不過買完見到盒連袋。打開見到叉連乾冷連固定托。就好後悔。覺得成件事好唔環保。一向都覺得食野要食原味先最可以食到本身個質素。好可惜原味賣哂。最後揀左開心果千層蛋糕。蛋糕皮好薄。層與層之間好平均。令到咬落口感唔錯。cream滑有好濃奶味。對喜愛香濃奶味嘅人會好滿足。略嫌越食越甜。開心果香味亦隨之減退。所以真係要同時配杯coffee or tea。朝聖完。明白呢個價錢其實有一大部分都去左門面度。除左欣賞師傅功力。其實覺得唔駛再試。