普慶餐廳

這間普慶餐廳網上極多KOL介紹，裝修前曾食過，对這個午餐有啲期望😁12点準時到達，已經見坐滿一半人客，目測長者都唔少😵首先講下個餐廳嘅佈局，所有食物係分佈餐廳唔同嘅位置，要出去行一個圈，先知道啲嘢食擺喺哪一個位置，加上人客又偏多，坐滿情況都咪話唔誇張。蠔每人限攞兩隻，食落都好新鮮好鮮甜唔錯👍去到炸物嘅counter拎咗啲天婦羅，炸南瓜/豆角/日本番薯，較少食炸豆角，第一次食估唔到真係幾好食，好軟冧👍😵沙律菜好彩都新鮮，至於三文魚/北寄貝，三文魚一般反而北寄貝好食唔韌。甜品反而多選擇，比較偏甜，不太岩小编口味，雪糕也有多款，可以滿足到大家。生果一共有四款，西瓜/哈密瓜/火龍果/密瓜，西瓜無拎，都清甜，正。寫到嚟呢度，不得不提這杯飲品系超正正，上面全部食物都冇重覆去拎，但這杯飲品連飲咗兩杯🤩飲品係有職員負責沖飲品畀人客，這个係涼粉什果冰，也有蓮子冰，有凍檸檬茶，咖啡等等，重系無限暢飲，抵贊👍👍👍海鮮有麵包蟹/龍蝦鉗/小龍蝦/蝦，蝦都新鮮鮮甜，可惜麵包蟹超難食，檯面上放咗啲鉸剪根本就剪唔開嗰個龍蝦鉗，請問人客怎樣食呢？希望普慶餐廳嘅負責人睇到，真係要改善下。