Zakka (已結業)

悠悠閑閑想去嘆個下午茶，原本想食越南湯河，但餐廳要等位，游下游下游左過咗對面間餐廳，睇中白汁雞肉煙腩片意粉都幾吸引，就入去試吓。餐廳半開放式，採都唔少室外陽光，但唔知係咪太近商場門口，經常見到有烏蠅仔飛來飛去，感覺冇咁衛生。食物方面，意粉餡料豐富，鹹香嘅煙腩片配上烤得半焦嘅雞肉，香口又好味，意粉沾滿白汁，好好味啊！再加上一個香濃嘅白汁蘑菇酥皮湯，熱辣辣，酥皮一刺穿就聽到脆卜卜嘅聲音，浸少少系喺湯再放入口，味道唔錯，不過由於兩款都係白汁，感覺上就比較膩，食到最後感覺偏鹹。好彩餐飲我叫杯熱檸茶，解一解滯，咁多樣野加埋都只不過係$59 ，飽到我晚飯都差啲食唔落！總括來講，味道OK，但環境衛生有待改善。