Lady M

營業中

休息中

朋友係「Lady M」嘅粉絲，所以當「Lady M」推出新口味「桂花千層蛋糕」嘅時候，就話一定要試！😂😂疫情下都仲有好多人排隊等入座或買外賣，我地等左30-45分鐘先入座。店員會入座前幫你量度體溫，但就冇好主動咁提供搓手液或口罩袋，小妹只係離開嘅時候先發現原來有提供嘅，但擺係出口位冇人知。😅件裝嘅桂花千層蛋糕，要$75/件，都幾貴！蛋糕尤如標榜一樣，鋪上超過20層嘅手工班戟（小妹認真數過係真係有嘅！😂），每一層厚薄均一，並均勻地塗上桂花忌廉，每一口都有怡人嘅清香～面層更鋪上加入左桂花乾作點綴嘅桂花啫喱，味道清新香甜，不過小妹始終都覺得以一件蛋糕黎講，價錢太貴，性價比唔高。