麵屋一京 (已結業)

講起深水埗食拉麵，第一時間會諗起麵屋一京，因為佢個碗面頭鋪滿叉燒既拉麵真係好令人印象深刻。晚餐時段去食要係店外排隊，好彩唔係等左好耐，10分鐘左右已經有位坐。第一次食，我揀左外表吸引既「真·叉燒拉麵」配背脂豚骨湯底。叉燒係風乾左既叉燒，正因為咁佢先可以切到好薄一片。湯底底好濃幾好味，因為個湯脂肪多，所以食到後尾凍左個湯有D杰身，麵就正常，有D咬口。其實成碗麵開頭食無咩野，但食食下會覺得有D重口味，因為風乾叉燒本身已經鹹，再加埋個濃湯底，食到最尾要飲好多水，可能下次揀豚骨清湯會好D~總括黎講可以一試！