星林居雲南米線餐廳 (已結業)

話說之前已經聽過，星林居好受韓國人歡迎，連我至愛嘅韓國綜藝都嚟過呢度拍野，所以一直都好想試吓，咁啱有朋友都有興趣，就相約黎一試究竟，睇吓佢係咪真係咁好味。我哋大概夜晚七點幾到，可能因為係晚飯時間，所以都排左一陣隊。同埋嚟到先發現，真係有好多遊客慕名而來，排喺我地前面嘅係日本人，坐喺我哋隔離嘅係韓國人。首先，米線同啲配料都冇咩特別，普普通通。湯底方面，我揀咗小辣普通酸，個人覺得唔係話特別辣，如果再食應該會揀再辣啲，不過湯底整體黎講比較重口味，岩晒我😂