樂都堂水 (已結業)

網上得知「樂都堂水」試業，專誠入去元朗試下。食咗個每日限量供應嘅「招牌堂水」，入面係有雪燕、桃膠、紅棗、圓肉、杞子同北海道3.6牛乳嚟煲，見到啲材料都feel到好滋潤又好香噴噴。(另外仲有個都係每日限量供應，用日本新潟米嘅「台式魯肉飯」，都幾好食！)而且最重要係聽老闆娘講佢哋啲糖水都係用咗依家好興零卡路里＋純天然嘅「稀少糖」嚟煲，好食又健康，真係食多兩碗都唔使驚啦！不過可能始終剛開業，有唔少嘢未準備好，嘢食等得耐咗少少，但應該之後會好啲，整體嚟講係唔錯，下次可以再入嚟食。