天園餃子

營業中

休息中

就快打風，打風期間應該無乜嘢好食，所以野豬趁打風前想滿足下個胃仔先，四圍遊下魂遊到去土瓜灣， 撞啱見到有間天園餃子，依間天園餃子其實之前係旺角通菜街都有間，係正甜記對面，個時都心大心細想試試，但馬騮太太鍾情食甜記😂後來天園旺角店仲結埋業添😅😅😅(可能唔夠甜記揪….掛😅)睇門面明顯比起旺角店細，同埋比較舊。睇Menu見到有蕃茄雞蛋素肉餃，適合半素人士，但食全素嘅人就唔啱了🤫不過依間有得揀酸辣湯麵，配落都幾開胃，而且上海麵份量都算多。同馬騮太太叫咗白胡椒雜菌豬肉餃、蕃茄蛋素餃、韭菜豬肉餃配酸辣湯。個素餃比想像中好，只係啲餃子略微唔夠飽滿🤔不過以價錢嚟講都算唔錯。雖然呢間鋪仔細細，但眼見都唔少人嚟食，而且外賣單都好多，所以落完order都要等少少時間。