幸福小路 (已結業)

平安夜無得收早，晚飯又無訂檯，決定去到邊食到邊~想試呢間幸福餅店好耐，就趁呢晚試吓，打個底先！一去到，見到剩返一張兩人檯，好彩唔使等栗子蛋糕mont blanc~同金剛o係街坊廚神一啖食晒果舊唔同，呢舊大好多！Oreo蛋糕食落無咩特別，唔太覺得有Oreo味感覺似係一件普通既朱古力蛋糕另外仲叫左一份抹茶紅豆吐司，稍甜！由於已經係夜晚，我地唔想飲咖啡，就叫左兩杯蜜糖類飲品飲完就有少少後悔無叫返咖啡......好似用粉溝出o黎咁......最後，平安夜點少得薑餅人呢！包裝精美，薑味濃郁，應晒節！如果下次經過唔使等位，都可以再入去試吓其他蛋糕既~