意粉 360 (已結業)

上星期六去到，拎咗飛等咗廿分鐘都無咩動靜，決定走人下次先試！尋晚平日去到，已經唔洗等，當然即試。😄服務都叫唔錯，門口帶位姐姐主動介紹信用卡優惠和解答其他問題！食物方面:酥皮松露帶子忌廉湯: 夠熱又充滿松露香，酥皮又正，唯帶子仔得兩粒，不過都正！😋 鮮蘑菇忌廉海鮮湯: 都ok、唯唔夠熱，變得一般般！棒棒雞翼凱薩沙律: 分量十足，有創意，不過兩都唔係太配，似兩樣嘢分開食！羅勒醬牛油果帶子意粉: 醬汁加牛油果絶配，好味👍🏻阿拉斯加鱈魚燉飯: 顔色豐富，但無咩味！整體食物中規中矩，沒有太大驚喜，亦不是很差。如果唔洗等位，又有信用卡優惠，都可以再來！