姨婆瑪麗 (已結業)

有次經過呢間小店，見到個店名 「 姨婆•瑪麗 」幾趣緻，加上見店外 poster 係主打馬來西亞特色小食，好似好特別咁，所以對呢間鋪印象都幾深刻，趁今日再經過，終於可以食下。店鋪小小，不過乾淨企理， 坐得舒服。店員知道我地第一次光顧，很細心咁講介菜式，服務比很多食店好得多！第一次食，當然要試下店舖既主打菜色 -- 姨婆蝦麵  & 怡保芽菜雞。姨婆蝦麵 - 感覺有點似喇沙，味道香濃，配料都幾豐富，不錯 !怡保芽菜雞 - 我見店內都幾多人order，芽菜很多，爽口，最啱我呢d鐘意食芽菜既人。雞肉都算滑嫰，味道也不錯。再加左個小食 - 檳城五香豬肉卷，外貌同味道有點似福建小食五香卷，同樣香脆可口。整體都不錯，還會光顧。