嚐仙

營業中

休息中

呢間甜品店係嚟自台中，主打手工芋圓芋泥同埋黃金地瓜泥，咁就梗係唔好執輸一人叫返一碗。我自己叫咗自選牛奶冰，裏面叫咗五款配料，包括有仙草，芋圓，地瓜泥，珍珠同埋紅豆。睇幅相就知道用料超多，仙草嘅口感比出邊嘅比較淋，但係都仲有QQ嘅感覺，珍珠紅豆同埋芋圓我覺得不過不失啦，地瓜泥反而我覺得超好食，有濃厚嘅地瓜味而且唔會太甜，反而我覺得佢嘅冰太粗糙，唔夠幼細，有少少影響到成個甜品嘅口感，叫做不過不失啦！我朋友既黑糖口味同埋豆花口味我哋都話唔錯，不過可能因為上一餐食得太飽太滿足嘅關係，所以大家都覺得係啱啱合格啦，如果唔使大排長龍嘅話我覺得都可以試吓！