Cenacolo Steak & Pasta (已結業)

本人真係偷懶咗好耐再無寫食評，但係呢一兩年內仍然係貫徹始終週圍食『絕不翻炒』。今次為咗同最好既朋友慶祝生日，我做足哂準備功課㗎。最後選擇了呢間位於香港大學站既，對於我地呢啲住係天水圍既人嚟講，真係遠過返台灣㗎！晚市餐牌，每個月會換1次Happy Hour $30-，係港島區真係叫好平我地點咗2杯Fruit Punch,1杯Lime Soda,1杯Shirley Temple，因為大家都唔飲酒，所以就咁。。。餐前面包，賣相平平無奇，但好食既！我地點了四個餐，前菜分別選了一份巴馬火腿伴蜜瓜，一份藍靑口，兩份香煎鵝肝伴帶子不得不讚，香煎鵝肝個醬好夾到，完全唔感得入口會好膩！而且所有晚餐既前菜份量並不是細細份，我地四個人食完其實都飽飽地。。。羊里脊，完全入口似牛，唔蘇而且肉質好嫩。要再讚係旁邊既小配菜完全唔係HEA，四個人一致讚好佢個汁，完全想再加多份菜食咁劑。龍蝦意粉，如果肉可以多返少少，賣相更吸引！個牛排其實都燒得啱啱好，無筋，但因為我朋友中意食熟牛，佢地要7成。對於我地呢啲好生牛嚟講就略嫌太熟，食咗一兩口我就停。但朋友們就讚熟牛都可以唔『鞋』正噃！意大利雲呑好大粒，半個手掌大，肉汁偏咸。