嘉兵衛 (已搬遷) 新店位置

老婆大人訂左八點半，去到原來我地已經係最後一台入坐。之後有人walk in都唔比入坐了，因為食材已售罄。本身對這食店都有期望，不過期間睇過食評見d評語都好壞參半，都有點擔心。坐低點左一份薯餅，一份滑蛋吉列豬扒丼同一份滑蛋廣島蠔丼定食。薯餅炸得好脆，上菜時熱辣辣，明顯係即叫即炸。餡料都算軟綿綿，亦不會太甜。吉列豬扒炸得十分香脆，可惜豬扒略嫌鞋口同無咩味道，應該不是好貨色。滑蛋夠甜，可惜滑蛋份量不夠多。重點是沒有用日本米。定食比普通丼多了三小碟，帶子漬物比較好食。廣島蠔有三大隻，非常肥美同鮮甜。滑蛋的份量竟然比豬扒丼還要多，不過我想如果將蠔用吉列的方法呈上，可能會更好。整體上佢地炸野做得非常好，很香脆。不過有點細節位可以做得更好。