Palate (已結業)

同死黨慶祝食生日飯, 本想去對面既LOT 10, 點知已經執左笠!! 睇呢間餐廳既食評唔錯, 應該可以一試吧!! 12點半去到, 得兩檯客 (包括我地個檯), 已經心知不妙, 眼見隔離九記同埋對面既茄牛通大排檔都堆滿人, 更加覺得呢間餐廳有點唔妥. ANYWAY, 已經坐低左都無得話轉去第二間, 就即管一試!! 是日午餐我地揀左蕃茄什豆湯, 而主菜我要蜆肉蟹肉扁意粉, 而死黨就要西冷扒. 蕃茄湯係微暖既, 淡淡既蕃茄味加幾粒三角豆同埋紅腰豆, 我同死黨都覺得個湯如果熱啲同埋多啲蕃茄會好啲, 家陣咁樣唔酸唔淡好怪. 我個意粉都OK, 但唔知點解搵極都唔見有蟹肉, 唔通我眼大睇過籠? 蜆肉好大隻好好咬口, 個蕃茄SAUCE同蜆肉幾夾. 至於死黨既西冷牛扒都幾好, 起碼我無聽到佢COMPLAIN! 飯後甜品係細細杯既APPLE CRUMBLE, 對一般女士黎講係好事黎既, 可以一啖一粒蘋果慢慢食, 又唔係太甜, 但對於嗜甜品如我既話就會到喉唔到肺囉, 如果可以大杯啲就好喇, HAHA~OVERALL黎講呢間餐廳既食物係OK既, 只係份量比較細, 同埋一啲細節做得不太足夠囉