Cascara (已結業)

見open rice 入面d評價唔錯，自己又八卦諗住入去試一試。叫咗一杯朱古力咖啡同埋一碟蘑菇雞肉意粉。咦！杯咖啡好滑喎，賣相又靚。至於個蘑菇雞肉意粉幾清新，味道濃淡剛剛好。唯一要彈嘅就係蚊滋比較多。坐咗25分鐘已經比我咁㩒死五六隻。搞到我一路食意粉要用張紙巾冚住個杯朱古力咖啡，就係驚啲蚊滋飛落杯咖啡度。總括嚟講啲嘢食係幾好食嘅。如果可以減少蚊滋就更加好。由於座位不太多，我食完就快快脆脆走人。希望下次幫襯時冇晒啲蚊滋啦。