Whiskers N Paws Cafe

營業中

休息中

其實唔話俾我聽嘅話🍔🍟我會以為係真嘅🐂因為我根本食唔出😂真係冇諗過，咁偏僻嘅海怡廣場，上面竟然有一層全層賣寵物用品嘅店，入邊仲有一間Cafe，賣嘅都係素食，而且可以比寵物進入，眼見確實有好多主人帶埋自己心愛嘅狗坐低一齊食午餐，感覺幾特別。講返環境，餐廳座位寬闊，木系設計幾舒適，光線亦都好充足，舒舒服服可以坐一個下晝。餐廳比較自助，食完需要自己收拾。我叫咗一個WNP burger，賣既係impossible meat, 即係素肉，雖然係素食，但係成個漢堡咬落去嘅質感實在好似真嘅牛肉，咬落去竟然有肉汁，而且其他配料同平時既burger一樣，蕃茄蔬菜好新鮮，亦配上芝士，麵包好鬆軟，薯條亦都炸得好香脆，整體成個餐就同平時喺出邊嘅美式餐廳食burger一樣，好Juice亦都好香，我第一次食覺得好驚喜，估唔到真係可以做得咁似，有興趣嘅人可以嚟試吓，我的素肉完全改觀了。